Auaunaga
O Nai Vaega
I le avea ai ma soo o Iesu Keriso, tatou te saili ia auauna atu i isi e faapei ona Ia faia aua o loo faatalitali olaga ina ia suia. …
O mea uma ou te alu i ai, ou te aoaoina ma le lotofaafetai mai ia i latou o e auauna atu ma tausia e faapei ona faia e lo tatou Faaola. …
O auaunaga e maualuluga ma paia atu e oo mai pe a tatou tatalo mo “le alofa mama o Keriso” [tagai i le Moronae 7:47–48] ma mulimuli i le Agaga. …
… I le tele o nofoaga, e mafai ona tatou aapa atu, malamalama i le mea o i ai isi, ma fausia sootaga pe a asiasi atu e le aunoa i tagata i o latou fale. O valaaulia musuia e suia ai olaga. Pe a oo ina fesoasoani valaaulia ia i tatou e osia ma tausia feagaiga paia, tatou te latalata atili ai i le Alii ma i le tasi ma le isi. …
O auaunaga musuia e faamanuiaina ai aiga ma tagata taitoatasi; e faamalolosia ai foi uarota ma paranesi. …
O lo tatou Faaola o lo tatou faaa’oa’o sili lea. Ona e lelei o Ia, e mafai ona Ia femaliua’i e faia mea lelei. Na te faamanuia le toatasi ma le 99. E faatino patino Lana auaunaga. …
E auauna atu Iesu Keriso. E auauna atu agelu. … A o tatou auauna atu e faapei ona Ia faia, tatou te molimauina Ana vavega, Ana faamanuiaga. …
Po o fea lava tatou te i ai, ia tatou aapa atu ma tausia e pei ona faia e le Faaola, aemaise i latou ua tatou maua le avanoa e ala i le alofa ma tofiga e auauna atu ai. O le faia o lena mea, ia tatou faalatalata atili atu ia Iesu Keriso ma le tasi ma le isi, ia avea atili e faapei o Ia ma soo o Iesu Keriso e finagalo o Ia ia avea ai i tatou taitoatasi.