Osana i le Atua Silisili Ese
O Nai Vaega
Toeitiiti atoa le 2,000 tausaga talu ai, na faailogaina ai le amataga o le toe vaiaso o le galuega a Iesu Keriso i le olaga nei. …
… O le ulufale atu o Iesu Keriso ma le mamalu i Ierusalema ma mea na tutupu i le vaiaso, lea na mulimuli mai ai, ua faapupula mai ai le aoaoga faavae e mafai ona tatou faaaogaina i o tatou olaga i le taimi nei. …
Muamua, valoaga. …
Lona lua, o le mafutaga a le Agaga Paia. …
Lona tolu, o le avea ma soo. …
Lona fa, o le Togiola a Iesu Keriso. …
I lena vaiaso taua o Lana galuega i le tino, na tuu atu ai e Iesu Keriso le faataoto i taupou e toasefulu. … Sa Ia faaaogaina ata o lamepa ua tutu ma mumū, ma se suauu faaleoleo e faamumū tele ai le apeafi, e pei o se faamatalaga o se naunautaiga e ola i Ona ala, talia Ana upumoni, ma faasoa atu Lona malamalama. …
O i tatou, e faapei o taupou e toasefulu, ua i ai lamepa; ae pe o i ai ni a tatou suauu? Ou te popole o loo i ai nisi ua na o sina suauu itiiti, ua mua ona pisi i uunaiga faalelalolagi ua le mafai ai ona saunia lelei. E maua le suauu i le talitonu ma faatino valoaga ma upu a perofeta soifua, aemaise o Peresitene Nelson, o ona fesoasoani, ma Aposetolo e Toasefululua. E faatumuina o tatou agaga i suauu pe a tatou faalogo ma lagonaina le Agaga Paia ma faatino na taitaiga faalelagi. E liligi mai suauu i o tatou loto pe a faaalia ia tatou filifiliga tatou te alolofa i le Alii ma tatou fiafia foi i mea e fiafia i ai o Ia. E maua mai le suauu i le salamo ma saili le faamalologa o le Togiola a Iesu Keriso.