O Aoaoga a Iesu Keriso
O Nai Vaega
E pei ona aoao mai le perofeta o Nifae ia i tatou, e tatau ona tatou “taumamafa fiafia i afioga a Keriso; aua faauta, o afioga a Keriso o le a ta’u mai ai ia te outou mea uma e tatau ona outou faia.”1 … O la’u savali i le asō e aofia ai se filifiliga o upu a lo tatou Faaola—o mea na Ia fetalaia. …
“[O le poloaiga sili i le tulafono o lenei:] e te alofa atu i le Alii lou Atua ma lou loto atoa, ma lou agaga atoa, ma lou manatu atoa.
“O le poloaiga muamua lena ma le sili.
“E faapena foi lona lua, E te alofa atu i le lua te tuaoi, ia pei o oe lava ia te oe.
“O na poloaiga e lua ua autu ai le tulafono uma ma le au perofeta.”2 …
“E moni, e moni, ou te fai atu ia te outou, e ao ina outou mataala ma tatalo e le aunoa, nei faaosoosoina outou e le tiapolo, ma taitai ese atu ai outou faatagataotaua e ia.”3 …
“O lenei, o mea uma tou te faia, ia outou faia i lo’u igoa; o le mea lea, ia outou faaigoa le ekalesia i lo’u igoa.”4 …
“O lenei o le poloaiga lenei: Ia salamo, outou tuluiga uma o le lalolagi, ma o mai ia te au ma ia papatiso i lou igoa, ina ia faapaiaina outou i le taliaina o le Agaga Paia, ina ia outou tutu ma le le pona i ou luma i le aso gataaga.”5 …
Tatou te talitonu ia Keriso. Ou te faai’u atu i le mea na Ia fetalai ai e uiga i le ala e tatau ona tatou iloa ai ma mulimuli i Ana aoaoga:
“A o le Fesoasoani, o le Agaga Paia lea, e auina mai e le Tama i lo’u igoa, o ia lava na te aoao ia te outou i mea uma lava, e faamanatu mai foi o ia ia te outou i mea uma ua ou fai atu ai ia te outou.”6