“[Ia] Mau Oe ia te A’u, ma A’u ia te Oe; O Lea, Savali Faatasi ma A’u”
O Nai Vaega
“Na fetalai mai le Alii ia Enoka: …
“… Ia e tumau ia te a’u, ma a’u ia te oe, o lea ia e savali faatasi ma a’u” [. …Mose 6:32, 34; faaopoopo le faamamafa]. …
Ua tuuina mai e le Alii o Iesu Keriso ia i tatou taitoatasi le valaaulia e mau ia te Ia. Ae faapefea ona tatou aoao moni ma o mai e mau ia te Ia?
O le upu mau o lona uiga o le tumau o le pipii po o le mautu ma onosai e aunoa ma le faamatuu atu. … O le mea lea, tatou te mau ia Keriso a o tatou mautu ma mausali i lo tatou tuuto i le Togiola ma Ona faamoemoega paia, i taimi lelei ma taimi leaga.
E amata ona tatou tumau i le Alii e ala i le faaaogaina o lo tatou faitalia tatau e tauave i o tatou lava luga o Lana amo e ala i feagaiga ma sauniga o Lana talalelei toefuataiina. …
Tatou te mau ia te Ia e ala i le taumamafa moni i afioga a Keriso. …
Tatou te mau ia te Ia e ala i le saunia ma le naunautai e auai i le sauniga o le faamanatuga. …
O le folafolaga a le Faaola i Ona soo e alalua: afai tatou te mau ia te Ia, o le a mau foi o Ia ia i tatou. Ae pe moni ea e mafai e Keriso ona mau ia te oe ma a’u—taitoatasi ma patino? O le tali i lenei fesili o se ioe mautinoa lava! …
… O le sootaga faalefeagaiga ua tatou maua ma lo tatou Tama Faalelagi ma Lona Alo toetu ma soifua o le punavai faalelagi lea o le vaaiga, faamoemoe, mana, filemu, ma le olioli tumau …
… Ma ou te molimau atu o le folafolaga a le Faaola e mau ia i tatou e moni ma o loo avanoa mo tagata tausi feagaiga uma o Lana Ekalesia toefuataiina. …
… Afai tatou te mau ia te Ia, o le a mau foi o Ia ia i tatou.