O Iesu Keriso O Le Mapusaga
—O Nai Vaega
Ua taitasi i tatou ma amoina se atofaafafa faafaatusa. …
O lenei atofaafafa faafaatusa ua tatou tauaveina ai avega o le ola ai i se lalolagi pa’ū. O a tatou avega e pei o ni ma’a i se atofaafafa. …
Ou te tautino atu ma le fiafia o a tatou avega i le olaga nei, ma’a nei i a tatou atofaafafa faafaatusa, e le tatau ona mamafa.
E mafai e Iesu Keriso ona faamāmā la tatou uta.
E mafai e Iesu Keriso ona si’i ese a tatou avega.
Ua saunia e Iesu Keriso se ala mo i tatou e mapu i ai mai le mamafa o le agasala.
O Iesu Keriso o lo tatou mapusaga. …
Aisea la tatou te finau ai pea e tauave na o i tatou a tatou avega?. …
Uso e ma tuagane, e le mafai ona ou faia na o a’u, ma ou te le tau faia na o a’u, ma o le a ou le faia lava. …
O i latou e tausia feagaiga e faamanuiaina i le mapusaga o le Faaola. …
O le salamo e ala i le Togiola a Iesu Keriso, o le mea lea tatou te mapu ai mai le mamafa o ma’a o le agasala. …
O le Togiola a Iesu Keriso ua mafai ai foi e i tatou ona maua le malosiaga e faamagalo atu ai, lea e mafai ai ona tatou āuese le mamafa tatou te tauaveina ona o le soona fai o i tatou e isi.
E faapefea la ona fesoasoani le Faaola ia tatou avega o le ola ai i se lalolagi pa’ū i tino faaletino ua aafia i le faanoanoa ma tiga?
E tele taimi Na Te faatino ai lena ituaiga o mapusaga e ala atu ia i tatou! …
O lo tatou faamanuiaga faalefeagaiga o le faipaaga lea ma Iesu Keriso i le tuuina atu o le mapusaga, faaletino ma le faaleagaga, i fanau uma a le Atua. …
Uso e ma tuagane, o Iesu Keriso o le mapusaga. … O le mapusaga ua Ia ofoina mai e tumau e faavavau.