O Iesu Keriso o Le Malosi o Matua
O Nai Vaega
E pei lava ona avea Iesu Keriso o le malosi o le autalavou, o Iesu Keriso foi o le malosi o matua. …
O le alofa o se matua mo se tamaitiiti o se tasi lea o malosiaga sili ona malosi i le atulaulau. O se tasi lea o nai mea iti i lenei lalolagi e mafai moni ona faavavau. …
O le isi malosi e te maua o se matua, o le avanoa mo aafiaga faifai pea i aso taitasi. …
O le isi auala mamana e lagolago ai e le Alii ia matua e ala lea i le meaalofa e le mafaatusalia o faaaliga faaletagata lava ia. E naunau lava le Atua e liligi mai Lona Agaga e taiala ai matua. …
Masalo o le fesoasoani sili ona taua ua ofo mai e Iesu Keriso i matua o le “suiga tele” i le loto. O se vavega e manaomia e tatou uma taitoatasi. …
… E ala i le alofa tunoa o le Faaola, i sia mea itiiti ma sia mea itiiti, o le a e atia’e ai atili ia uiga paia e manaomia e matua: alofa mo le Atua ma Ana fanau, onosai, le manatu faapito, faatuatua ia Keriso, ma le lototele e fai ai filifiliga amiotonu. …
O a tatou taumafaiga e atia’e le faatuatua ia Iesu Keriso e faatotonugalemu i le aiga, ma taula’i atu i le tagata e toatasi. Ma e lagolagoina e le Ekalesia. E ese mai le tuuina mai o tusitusiga paia ma upu a perofeta, ua ofo mai e le Ekalesia a le Faaola le tele o punaoa e fesoasoani ai i matua ma fanau e fai ia filifiliga amiotonu. …
I le fuafuaga a le Tama Faalelagi, ua fuafua ai mafutaga faaleaiga ina ia faavavau. O le mafuaaga lea i le avea ai ma matua, e te le fiu lava, e tusa lava pe e te le mitamita i auala na tupu ai ni mea i le tuanai.
O Iesu Keriso, le Fomai Sili ma le Faaola, e mafai i taimi uma ona i ai se amataga fou; Na Te tuuina mai pea lava le faamoemoe.
O Iesu Keriso o le malosiaga o aiga[,] autalavou[, ma] matua.