អូរ៉ា ខេ

១៦ ឆ្នាំ ណៃរ៉ូប៊ី កេនយ៉ា

រូបភាព

យុវនារី

ថតរូបដោយ ប៊េនសុន អារ៉ូឌូ

ខ្ញុំចូលចិត្តដុតនំ ។ ខ្ញុំចូលចិត្តស្នាមញញឹមដែលមកពីការដុតនំ ។ មនុស្សគ្រប់គ្នាចូលចិត្តនំឆ្ងាញ់ៗ ។ មានពេលមួយ ម្តាយរបស់ខ្ញុំបានទុកគ្រឿងផ្សំទាំងអស់សម្រាប់ធ្វើនំប៉័ងរសជាតិចេកនៅផ្ទះបាយ ប៉ុន្តែគាត់មិនគិតចង់ធ្វើវានោះទេ ។

ខ្ញុំបានសម្រេចចិត្តដុតនំប៉័ងចេកជូនគាត់ ។ មិនយូរប៉ុន្មានខ្ញុំបានដឹងថា នំបុ័ងរសជាតិចេកនោះមិនមែនសម្រាប់គាត់ ទេ ។ ផ្ទុយទៅវិញ គាត់រៀបចំវាដើម្បីចែកដល់សិស្សរបស់គាត់ ។ ម៉ាក់របស់ខ្ញុំសប្បាយចិត្តណាស់ដែលខ្ញុំបានជួយគាត់តាមរបៀបនោះ ។

កិច្ចការផ្សព្វផ្សាយសាសនាគឺជាកិច្ចការផ្សេងទៀតដែលខ្ញុំចូលចិត្តធ្វើ ! សកម្មភាពសាសនាចក្រមួយចំនួនដែលខ្ញុំរីករាយធ្វើនោះគឺការជូនព្រះគម្ពីរមួយក្បាលដល់អ្នកដទៃ ហើយច្រៀងទំនុកតម្កើងឲ្យពួកគាត់ស្តាប់ ។

នៅពេលមួយទៀតនោះ មិត្តភក្តិរបស់ខ្ញុំបានឃើញខ្ញុំកំពុងអានទស្សនាវដ្តី លីអាហូណា ហើយបានសួរខ្ញុំពីសាសនាចក្រ ។ ខ្ញុំបានពន្យល់នាងអំពីការប្រែចិត្ត និងដង្វាយធួនរបស់ព្រះយេស៊ូវគ្រីស្ទ ។ នាងមានចំណាប់អារម្មណ៍ណាស់ ហើយខ្ញុំបានឲ្យទស្សនាវដ្តី លីអាហូណា ដល់គាត់មួយច្បាប់ ។

ខ្ញុំចូលចិត្តផ្សព្វផ្សាយដំណឹងល្អដល់អ្នកដទៃ ដើម្បីឲ្យពួកគេមានឱកាសដឹងបន្ថែមអំពីព្រះវរបិតាសួគ៌ ។