Aura K.

16, Nairobi, Kēnia

Mea au roa nā’u ’ia tunu te mā’a. Mea au nā’u te ’ata’ata nā roto mai i te tunura’a. Mea au nā te ta’ata ato’a te mā’a monamona. I te hō’ē taime, ’ua vaiiho tō’u māmā i te mau ’āno’ira’a mā’a ato’a nō te faraoa mei’a i roto i te fare tūtu, ’aita rā ’oia i hina’aro roa e hāmani i te reira.

’Ua fa’aoti a’era vau e tunu i te faraoa mei’a nāna. I muri mai ’ua ’ite a’era vau e ’ere nāna taua faraoa mei’a ra. Tē fa’aineine ra ’oia i te reira nō te hōro’a atu i tāna mau pīahi. ’Ua ’oa’oa roa tō’u māmā i te tauturura’a vau iāna mai te reira te huru.

Te ’ohipa misiōnare o te tahi atu ïa ’ohipa ’o tā’u e au i te rave ! Te tahi o te mau ’ātivite a te ’Ēkālesia tā’u e au maita’i, ’oia ho’i te hōro’ara’a i te mau ta’ata i te mau nene’i o te mau pāpa’ira’a mo’a, ’e te hīmenera’a i te mau hīmene purera’a nō rātou.

I te tahi atu taime, ’ua ’itehia vau e tō’u hoa i te tai’ora’a i te ve’a Liahona ’e ’ua ui mai iā’u i te mau uira’a nō ni’a i te ’Ēkālesia. ’Ua fa’ata’a atu vau iāna nō ni’a i te parau nō te tātarahapara’a ’e te tāra’ehara a Iesu Mesia. ’Ua ’ana’anatae roa ’oia, ’e ’ua hōro’a atu vau nāna te Liahona.

Mea au roa nā’u i te ha’aparare i te ’evanelia ia vetahi ’ē, ’ia fāna’o rātou i te ’ite hau atu ā nō ni’a i te Metua i te ao ra.