Te mau ha’amaita’ira’a o te Séminaire

feiā ’āpī tamāhine

I te ha’amatara’a ’aita vau i ti’aturi ’e ’aita vau i ineine nō te ti’a i te po’ipo’i roa nō te haere atu i te piha ha’api’ira’a ’evanelia (séminaire). Terā rā, ’ua tauturu mai te haerera’a i te ha’api’ira’a ’evanelia ’ia ’ite ’o vai mau vau, ’e ’ia fa’aro’o i te reo ’e te mau arata’ira’a a te Fatu.

I te séminaire, e ho’i noa tō’u ferurira’a i ni’a i te hau, te ’oa’oa, te here, te pāturura’a ’e te tāmahanahanara’a. E’ita e nehenehe e parau, nā te Fatu iho ā e arata’i nei i te séminaire.

’Āua’a a’e te séminaire, ’ua ti’a iā’u ’ia ha’api’i i te tai’o ’e i te ti’aturi ’e ’ia pāpū iā’u iho. ’Ua ’ite au e parau mau te mau pāpa’ira’a mo’a. Tē arata’i nei te mau pāpa’ira’a mo’a iā’u i te taime e mana’o mo’emo’e tō’u, ’e e ha’api’i mai te reira iā’u i te mau taime ato’a e fa’aruru vau i te hō’ē mahana maita’i ’ore.

Gabriella K., Haut-Katanga, Rēpupirita manahune o Tōneto

’A fa’a’ite i tō ’oe ’ā’amu ’e ’a tai’o i te mau ’ā’amu o te tahi atu feiā ’āpī i ni’a i te Instagram @StrivetoBe.