Te tamaiti pūhura

’Ua ani te hō’ē tamaiti ’ōrurehau i tāna faufa’a ’āi’a ’e ’ua fa’aru’e i te fare.

’Ua ha’amāu’a ’oia i te mau mea ato’a tā tōna metua tāne i hōro’a nāna, i roto i te ’āreareara’a.

Tae mai nei te hō’ē tau o’e, i reira tōna ravera’a i te ’ohipa i roto i te ’āua pua’a.

I te hō’ē mahana, ’ua hāro’aro’a ’oia ē, e nehenehe tāna e ho’i atu i te fare nō te ani i te tauturu.

’Ia ho’i mai ’oia i te fare, ’ua ani ’oia ’ia riro ’ei tāvini nō tōna ’utuāfare, ma te ’ore e ti’aturi ē, e nehenehe tāna e fāri’i fa’ahou i te maita’i a tōna metua tāne.

’Ua fa’a’ore rā tōna metua tāne i te hapa a te pūhura ’e ’ua fāri’i iāna ’ei tamaiti nāna, ’e ’ua fa’ahanahana te ’utuāfare i te ho’ira’a mai o te tamaiti ra.

E aha te aura’a o te reira

Tē fa’ahōho’a nei te tamaiti pūhura ia tātou, ’ia ’ōrure ana’e tātou i mua i tō tātou Metua i te ao ra. Terā rā, noa atu te vāhi tātou i rātere a’e nei ’e ’aore rā te mea tā tātou i rave, tē hina’aro nei te Metua i te ao ra ’ia ho’i tātou i te fare iāna ra, ’e i te ’evanelia a Iesu Mesia.

’Aita e tītauhia te fāito maita’i roa. E mea ti’a rā ia tātou ’ia māuiui i te hapa i ravehia ’e ’ia fa’aha’eha’a, ’ia haere mai i te Mesia ra ’e ’ia tātarahapa. E fa’a’ahu te Atua ia tātou i te hanahana ’e e fa’a’ite ia tātou i tō tātou ti’a-mā-ra’a mau.