“Rinea te Beku” Ibukin Kakorakoraia Kairake, Tebetembwa. 2023.
I Kona ni Karaoi Bwaai ni Kabane rinanon Kristo
Te roronrikirake ngke a taekina aron Kristo ni kakorakoraia ni karaoan bwaai aika a kangaanga (taraa I-Biribi 4:13).
Rinea te Beku
I a kaman tangiria ni kan karaoa au mwakuri ni mitinare, ma ngke e a koro 18 au ririki, e a moana butinakona te aoraki. I aki namakina te tauraoi ni beku, ngaia are I moana reireiu, ao I a karekea te buoka ae bubura ibukin au reirei. A mwaiti aomata a tuangai bwa I riai n aki nako n te mition. I namakinna ae kanga akea nanou ni kan beku.
Ma ngkanne n te maungatabu ni kabuta Beretitenti M. Russell Ballard e taku, “Ngkana e bwaka ami ririki n te roro ni mitinare ao kam tuai mitinare ibukin te butinnaoraki ke bwaai riki tabeua, I kaoi ngkami nakon te beku ngkai.”1 Ngke e taekina te taeka ae “ngkai,” I namakina ae kanga e taetae nakoiu—are I a riai ni beku n te mition ngkai. N te bong anne I tataroakinna ao ni karekea kamatoaana bwa bon aio te tai ibukiu ni beku iroun te Uea.
I karekei mwaitin totoko ni kotei kairuan au babaire. E a kamaunaaki naba au tikaoratibu. Ma nanou n tangiria n nako e bon matoa are a bon aki taraaki bwaai akanne. I weteaki bwa N na beku n te Guatemala Quetzaltenango Mition. E bon rangi n onoti ibukina au karo a bon kabaeaki ibukin te maiu ae akea tokina i Guatemala.
Ngkana ko iangoia bwa ko na riai ni beku n te mition, e aki rimwi! Onimaki n taainako iroun Tamara are i Karawa ao Iesu Kristo. A na kairiira ao ni kakabwaiaiira ma bwaai ake ti aki kona ni iangoi.
Enoc M., Dominican Republic