“Ko namakina te korakai, e Kakaii nanom, ke ko Nanokawaki?” Ibukin Kakorakoraia Kairake, Tebetembwa 2023.
Buokan Maium
Ko namakina te Korakai, e Kakaai nanom, ke ko Nanokawaki?
Aikai tabeua bwaai are ko na kona ni karaoi.
Te Tutuo ni Korakain te Iango
Aekakira nanokawakim ke korakaim ae ko namakinna?
Ngkana ko a tia n rinanon te bwarannano, nakonnano, ke te karawawataaki ae maan ke e kakaii nanom, taiaoka kakaea buokam ni marooro ma te aomata ae e a ikawai ae onimakinaki. Ko kona naba ni katai tabeua kaetieti n te mwakoro ae baboobo (riki aika uarereke!), ma n tabetai ko na kainnanoa riki buokam, ma e NAKORAOI anne.
Ngkana ko namakina te kan bakabure, waekoa kakaea buokam. Reitaki ma ana rain ni ibuobuoki am tabo ibukin te bwai ae karina n riki, te tabo ni bureitiman, ke te onaoraki.
Bon te bwai ae riiriki ae na kakaii nanom, nanokawaki, ke tko korakai n tabetai. Namakin aikai n taainako a roko ni karina man kangaangan te maiu ao e roko ao e nako ni bibitakin te maiu. Katai tabeua taian kaetieti are a kona ni ibuobuoki!
Aika Uarereke
-
Rairaki nakon te Tama are i Karawa. E ongo ao e kaekai am tataro. E na buokiko ni kaaitarai taian kakaewenako ake a roko nakoim.
-
Kabanea Nanom iaon Iesu Kristo. “Te kimwareirei ae ti namakinna e uarereke nakon karaoana ma aroaron maiura ao bwaai ni kabane are e na karaoaki ma tarakin raoi maiura.”1
-
Buokiia raora. “Ngkana ti kabua maiura ni mwakuri ibukiia raora, ti na karekei oin maiura ao kukureira,”2
-
Kateimatoa marurungin tamneim. Wareki koroboki aika tabu ni katoa bong, kawara te tembora ngkana e riai, anaa te toa, kawakin berita aika tabu, ao rairananom ni katoa bong. Bubuti ibukin ana kakabwaia te nakoanibong ngkana ko kainnanoia.
-
Kateimatoa marurungin rabwatam. Karekea te matu ae tau ao mwakuri ni kamarurung, ao ongeaaba n Tuan te Mauri.
Ngkana Ko Namakina ae Kakaii nanom
-
Kaatua am iango iaon ae ngkai. E na aki reke buokam n raraomwaeakinan taekan taai aika a na roko ke te korakai ibukin iangoan kanoan taai akea ngkoa. Te tai ae ngkai bon ti te bwai ae e kona ni bitiko.
-
Karekea am tai ni motirawa. “Bwa e aki katauaki bwa e na kabirimwaka riki te aomata nakon are riaon korakorana.” (Motiaea 4:27).
-
Karekea te Iango ae tamaroa. Namakin aika a buakaka a bon riki man iangoan bwaai aika aki raoiroi. Iangoan bwaai aika raoiroi e kona ni buokiko ni kauarerekea namakinan te maaku ke ni kakaii inanom.
Ngkana ko Namakina te Nanokawaki
-
Ataia bwa mwakoron te babaire bon kataaki. Rinanoan kangaanga e aki nanonaki bwa ko karaoa te bwai teuana ae bure. Kakoaua bwa te Tama are i Karawa e na kakorakorako ao am kangaanga a na kaai ni mwakuri ibukin ae raoiroi ibukim (Reirei ao Berita aika Tabu 90:24; taraa naba I Rom 8:28; Reirei ao Berita aika Tabu 122:5–9).
-
Kabanea nanom iaon te kakaitau. Koroi bwaai aika ko kakaitau ibukiia, ao ururingnga raoi ni kaitaua Tamam are i Karawa (taraa Reirei ao Berita aika Tabu 98:1).
-
Karaoi bwaai ake ko kukurei iai. Kabanea am tai ma raoraom ao am utu, katai bwaai aika boou ae ko nano iai, ongora nakon katangitang aika kaunganano, ke bairei waaki ni kakukurei aika a kaunga.
Ngkana Ko Namakina Ae Ko aki Tau
-
Ataia bwa Ko aki kainnanoaki bwa kona kororaoi. “Ikai ni maiura ae mamate te kororaoi e bon tiku n tuai ‘iangoaki.’”3 Tai kabotauko ma tabeman, n te maiu aei ke iaon bwaai ni kareke rongorongo.
-
Taetae n akoi ni bon nakoim. Bwaina te akoi ni bon nakoim, n aron ae ko na karaoia nakon raoraom. Te Tamnei ae Raoiroi e na taetae n akoi nakoim ao e na aki kaenaena ke ni kamangoriko.
-
Ataia bwa te Tia Kamaiu e karaoa te bitaki. Iesu Kristo e mate ibukin ara bure ao e katoka Iaona marakira, aorakira, ao mamaarara (taraa Aramwa 7:11–12). Ngkana ti kananorinanoira, E berita bwa e na “karaoi baika mamaara bwa aonga ni korakokora” (Ita 12:27). Tao ngkana ti aki bati n tau i bon iroura, ma e bon reke tamaroara ae tau Irouna.
Kabaneana
Ko na bon karekea am bong ae mwaiti ngkana ko bon onimakiniko ao n tauraoi ni butimwaai kakaewenako n te maiu. E aki taraaki bwa tamaroara am namakin, taraia raoi bwa ko teimatoa ni karaoi moan mwaneka aika uarereke.
Tataro nakon Tamam are i Karawa—riki ngkana e a bebete te maiu. Katurua am taratara iaon te bwai ae e karaoia te Tia Kamaiu ibukim ao iaon maiuna ao ana reirei—e ngae ngkana a nakoraoi bwaai. Ngkanne ngkana ko rinanon namakin aika a matoatoa aroia, ko riai n tauraoi ao ni keiaki ni kaitarai.