“Bukin tera ti kainnanoa karaoan te bwabetito ibukiia ara bakatibu ake a tia ni mate?,” Ibukin Kakorakoraia Kairake, Tebetembwa 2023.
Nakon Raoi te Iango
Bukin tera ti kainnanoa karaoan te bwabetito ibukiia ara bakatibu ake a tia ni mate?
Iesu Kristo e reirei bwa a riai aomata ni kabane ni bwabetitoaki n rin abanuean te Atua imwin te maiu aei (taraa Ioane 3:5). Ma a mwaiti aomata aki karekea anne irouia.
E kaotia te Atua bwa koraki ake a mate ake aki karekea te bwabetito a kona n karekea ana euangkerio Iesu Kristo ni kabwarabaraaki nakoia n te aonaaba n tamnei (taraa 1 Betero 3:18–19; Reirei ao Berita aika Tabu 138:30–33). E kaotia naba bwa ake a maiu a kona ni bwabetitoaki ibukiia aia aomata (taraa 1 I Korinto 15:29; Reirei ao Berita aika Tabu 124; 128). Bwabetito aikai a riai ni karaoaki ikai iaon te aba.
Ti kona ni ukorii aia rekooti ara bakatibu ake a tia ni mate ao ni karaoa te bwabetito ibukiia inanon te tembora. Aio are e na anganiia te tai ni kariaia te bwabetito, are e bon kakawaki ibukin te abanuea are te tiretio.
E taku Unimwaane D. Todd Christofferson: “Ara kekeiaki ni makuri ibukiia ara mate e uota te kakoaua ae tamaroa are Iesu Kristo bon te Tia Kabooiia aomata ni kabane. Ana akoi ao berita e rootia riki koraki ake a maiu ake aaki Kunea” (Okitobwa 2000 maungatabu ni kabuta [Ensign, Nobembwa 2000, 11]).