“Katoma,” Ibukin Kakorakoraia Kairake, Tebetembwa 2023.
Katoma
Sisekelo Q.
15, Aberika Maiaki
Te Tamnei iroun Ntebaleng Twala
I teimatoa n tataro ibukin tokanikaia ao maiu-raoia au utu. Ma bwaai tabeua a tuai n nakoraoi n aron ae I kantaningaia. I moanna ni iango ngkana te Atua e bon ongo au tataro. Ngke e aki nakoraoi au iango, I aki bati n tataro. I iango, “Bukin tera N na tataro ngkana akea te bwai ae I namakinna?”
Ma n te bong teuana, I a tibwa ataia are I a nanououa iroun te Atua. N taainako bon Ngaia Tamau are i Karawa, au tia boutoka ao korakorau. I a moanna n tang. Ngke I okira mweengau n te bong anne, I katorobubua n tataro ibukina bwa I namakina ae bua te maiu n tamnei ao au namakin.
Imwiin te tataro, I namakina te raunnano, abuee, ao te tangira. I ataia E bon mena irarikiu. I ataia bwa Tamara are i Karawa e noori korakaira ao e ongo tangira. Man te tai anne, I a mataata are bon iai Ana babaire ibukiia au utu—te babaire are e kainnanoa Ana tai ao au taotaonakinnano.