Titiraki ao Kaekaia

“Tera ae N na karaoia ngkana I aki namakina ana kairi te tamnei?”

Tataro n aran Iesu Kristo ibukin tabeaiangam, maakum, mamaaram—eng, te bwai ae tangiria nanom. Ao imwiina kakauongo … Ngkana ko kakaraoa aei … , ko na “rikirake inanon reiakinan te kaotioti.”’

Beretitenti Russell M. Nelson, “Kaotioti ibukin te Ekaretia, Kaotioti Ibukin Maiura,” Eberi 2018 maungatabu ni kabuta (Ensign ke Riaona, Meei 2018, 95).

Iangoia, Koreia, ao Rinanona

“Ngke e a bong, I anaa au tai ni iangoia inanou ao ni korei inanon au tieno ana kairi te tamnei are I karekea n te bong anne ao n iangoi. N te tai are I karaoa iai aei, I namakina te rau. E kauringai naba ni ukora ana kairi te tamnei ni katoa bong.”

Kianna G., 16, Zamboanga del Norte, Biribin

Butia te Atua

“Reitinako niwareki koroboki aika tabu ao n tataro ni katoa bong bon te kawai ae korakora ni kaotia nakon te Atua bwa ko tangiria ni karekea te taneiai n tamnei. Ngkana ko namakina ae ko aaki karekea ana taneiai te tamnei, ngkanne butia te Atua buokam ni koaua bwa ko na kinai. E tangiriko ao e na kaekai am tataro ngkana ko ukoukoria ni karaoa tibwangam.”

Elijah C., 15, Utah, USA

Bwaina te Taotaonaki n nano

“Bwaina te taotaonaki n nano. Am taneiai n taainako e aki kona n titebo ma tabeman’.”

Isabella F., 16, São Paulo, Brazil

Maiuakina te Euangkerio

“Ti na karekei taneiai n tamnei man warekan koroboki aika tabu, kakauongo nakon ana taeka te burabeti, aki mamatam, tataro, kawara te tembora ao ibuobuoki nakoia tabeman. Bwaai aikai a kaniira riki nakon Kristo ao riki ni kaeka nakon te wirikiriki mairoun te Tamnei ae Raoiroi are e uota te rau nakoira.”

Nellie R., 16, Hidalgo, Mexico

Kakauongo Raoi

“Ti riai n taainako ni uringnga ni kakauongo raoi nakon ana wirikiriki te Tamnei ae Raoiroi. Ti kona ni karekeia rinanon bwaai aika a uarereke. E ngae ngke a bon uarereke, a kona n tang n akea tokina.”

Melissa A., 14, Paraíba, Brazil

Taian kaeka a katauaki ibukin te ibuobuoki ao te nonoori, tiaki ibukin katanoataan ana reirei te Ekaretia.

Tera Am Iango?

“N na kanga ni iangoia ‘ni kaotaa au oota’ ngkai I aki boboibuako?”

Kanakoa am kaeka ao tamneim imwain Okitobwa 15, 2023.

Emeeri nakoira n [e-mail]. Ke nakon ftsoy.ChurchofJesusChrist.org ao taona “Submit Your Work.” Kariniko n am Akaunti n te Ekaretia ao imwiina rinea “For the Strength of Youth” i aan “Choose Magazine.” Taona “Add File” n rinea am bwaera ao am tamnei, ao mwiina taona “Submit” ni karinna aokanakoa am bwaera nakoira.

Kaeka a kona n rinanoaki ibukin abwakiia ke te kamataata.