“Ngkai E a Uti Kristo,” Ibukin Kakorakoraia Kairake, Tebetembwa 2023.
Reirei iaon te Reirei
Ngkai E a Uti Kristo
Reiakinna bwa tera ae reirei Bauro iaon Utin Kristo.
Manga Utin Kristo, iroun Wilson J. Ong
ngkai E a Uti Kristo man te mate
E mate Iesu Kristo iaon te kaibangaki, kaweneaki n te rua ni mate, ao n uti man te mate n te kateniua ni bong.
te moan uaa irouia ake a matu
Te taeka n Greek e kabongana ikai te moan uaa nanona moan uaan te tai n te ririki. Bon te moan uaa n taiaki—te moan irouia ake a roko.
Te kibuntaeka irouia ake a matu nanona “koraki ake a mate.”
Iesu Kristo bon te moan uti, ao imwin Utina, ni kabane aomata a na bane ni mangauti.
mairoun te aomata ao e roko te mate
Te marooro aei ibukin Atam. Bwakana e nanonaki bwa ni kabane aomata ake a roko n te aonaaba a na mate. (Taraa Mote 4.)
iroun Kristo a na bane ni kamaiuaki
Ibukin Mangautin Iesu Kristo, ni kabane aomata a na mangauti. Nanona anne bwa aomata ake a maiu ke a na reitinako ni maiu a na mangauti. Tamneira a na manga ikotaki ma rabwatara, ao rabwatara a na ikotaki n aroia ae kororaoi ao n aki mamate. (Taraa Aramwa 11:43–45.)