“Ko e Fili ke Ngāué” Ki Hono Fakamālohia ʻo e Toʻu Tupú, Sepitema 2023.
ʻOku ou Faʻa Fai ʻa e Ngaahi Meʻa Kotoa Pē ʻia Kalaisi
ʻOku vahevahe ʻe he toʻu tupú ʻa e founga kuo fakamālohia ai kinautolu ʻe Kalaisi ke nau fai ʻa e ngaahi meʻa ʻoku faingataʻá (vakai, Filipai 4:13).
Ko e Fili ke Ngāué
Naʻá ku loto maʻu pē ke u ʻalu ʻo ngāue fakafaifekau, ka ʻi he hoko hoku taʻu 18, naʻe kamata ʻa e mahaki fakaʻauhá. Naʻe ʻikai ke u ongoʻi mateuteu ke ngāue, ko ia naʻá ku kamata ʻi he kolisí, pea naʻá ku maʻu ha sikolasipi lelei ʻaupito. Naʻe fokotuʻu mai ʻe ha kakai tokolahi ʻoku ʻikai totonu ke u ʻalu ʻo ngāue fakafaifekau. Naʻá ku ongoʻi ʻo hangē kuo mole ʻeku holi ke ngāué.
Ka ʻi he konifelenisi lahí, naʻe pehē ʻe Palesiteni M. Lāsolo Pālati, “Kapau ʻokú ke ʻi he taʻu motuʻa ki he ngāue fakafaifekaú ka kuo teʻeki ai ke ke ngāue koeʻuhi ko e mahaki fakaʻauhá pe ngaahi ʻuhinga kehe, ʻoku ou fakaafeʻi koe ke ke ngāue he taimí ni.”1 ʻI heʻene leaʻaki ʻa e foʻi lea “taimí ni,” naʻá ku ongoʻi hangē haʻane lea mai kiate au—ʻoku fiemaʻu ke u ngāue fakafaifekau ʻi he taimi ni. Talu mei he ʻaho ko iá mo ʻeku lotua ia mo maʻu ha fakapapau kuo taimi ke u ngāue maʻá e ʻEikí.
Kuó u maʻu ha fakaanga lahi fekauʻaki mo ʻeku filí. Naʻe kaniseli foki mo ʻeku sikolasipí. Ka ʻoku mālohi feʻunga pē ʻeku holi ke u ʻalú ʻo ʻikai ai ke toe mahuʻinga ha taha ia ʻo e ngaahi meʻa ko iá. Naʻe uiuiʻi au ke u ngāue ʻi he Misiona Guatemala Quetzaltenango. ʻOku makehe ʻaupito he naʻe silaʻi ʻeku ongomātuʻá ki ʻitāniti ʻi Kuatemala.
Kapau ʻokú ke fifili pe ʻoku totonu nai ke ke ngāue fakafaifekau, ʻoku ʻikai tōmui! Falala maʻu pē ki he Tamai Hēvaní mo Sīsū Kalaisi. Te Na tataki mo tāpuekina kitautolu ʻaki ha ngaahi meʻa ʻoku ʻikai ke tau lava ʻo fakakaukau ki ai.
ʻĪnoke M., Lepupelika ʻo Tominikení