“Ko ʻEni Kuo Toe Tuʻu ʻa Kalaisi,” Ki Hono Fakamālohia ʻo e Toʻu Tupú, Sepitema 2023.
ʻOtu Lea ki he ʻOtu Lea
Ko ʻEni Kuo Toe Tuʻu ʻa Kalaisi
Ako ʻa e meʻa naʻe akoʻi ʻe he ʻAposetolo ko Paulá fekauʻaki mo e Toetuʻu ʻa Sīsū Kalaisí.
Ko e Kalaisi kuo Toetuʻú, tā ʻe Wilson J. Ong
kuo toe tuʻu ʻeni ʻa Kalaisi mei he maté
Naʻe pekia ʻa Sīsū Kalaisi ʻi he kolosí, fakatokoto ʻi ha fonualoto, pea toe tuʻu mei he maté ʻi hono ʻaho tolú.
ʻuluaki fua ʻo kinautolu naʻe mohé
Ko e foʻi lea faka-Kalisi naʻe fakaʻaongaʻi heni ki he ʻuluaki fuá ʻoku ʻuhinga ia ki he fuofua ngoue ʻo e taʻú. Ko e fuofua ututaʻú ia—ko e ʻuluaki ʻo e ngaahi meʻa lahi ange ʻe hoko maí.
Ko e kupuʻi lea ko ia kinautolu naʻe mohé ʻoku ʻuhinga ia “kiate kinautolu kuo maté.”
Ko Sīsū Kalaisi ʻa e fuofua tokotaha ke toetuʻú, pea hili ʻEne Toetuʻú, ʻe toetuʻu ʻa e kakai kotoa pē.
hoko ʻa e maté ʻi he tangatá
ʻOku talanoa ʻeni fekauʻaki mo ʻĀtama. Naʻe ʻuhinga ʻEne hingá ʻe mate ʻa e kakai kotoa pē ʻe haʻu ki he māmaní. (Vakai Mōsese 4.)
ʻe moʻui kotoa pē ʻia Kalaisi
ʻE toe tuʻu ʻa e kakai kotoa pē koeʻuhí ko e Toetuʻu ʻa Sīsū Kalaisí. ʻOku ʻuhinga ia ʻe toetuʻu ʻa e tokotaha kotoa pē kuo moʻui pe ʻe moʻui. ʻE toe fakataha hotau laumālié mo hotau sinó, pea ʻe haohaoa mo taʻe-faʻa-mate hotau sinó. (Vakai ʻAlamā 11:43–45.)