“Ko e hā ʻoku fie maʻu ai ke tau papitaiso maʻa ʻetau ngaahi kui kuo pekiá?,” Ki Hono Fakamālohia ʻo e Toʻu Tupú, Sepitema. 2023.
ʻAi Hangatonu
Ko e hā ʻoku fie maʻu ai ke tau papitaiso maʻa ʻetau ngaahi kui kuo pekiá?
Naʻe akoʻi ʻe Sīsū Kalaisi kuo pau ke papitaiso ʻa e kakai kotoa pē ka nau hū ki he puleʻanga ʻo e ʻOtuá hili ʻa e moʻuí ni (vakai Sione 3:5). Ka naʻe ʻikai maʻu ʻe ha kakai tokolahi ʻa e faingamālie ko iá.
Kuo fakahā ʻe he ʻOtuá ko kinautolu kuo pekia ka naʻe ʻikai papitaisó te nau lava ʻo malanga ʻaki e ongoongolelei ʻo Sīsū Kalaisí kiate kinautolu ʻi he maama tataliʻanga ʻo e ngaahi laumālié (vakai 1 Pita 3:18–19; Tokāteline mo e Fuakava 138:30–33). Kuó Ne fakahā foki ʻe lava ke papitaiso ʻa e kakai moʻuí maʻá e kakai ko ʻení (vakai 1 Kolinitō 15:29; Tokāteline mo e Ngaahi Fuakava 124; 128). Kuo pau ke fai ʻa e ngaahi papitaiso ko ʻení ʻi he māmaní.
Te tau lava ʻo fekumi ki he ngaahi lekooti ʻo e ngaahi kui kuo pekiá pea fakahoko e papitaiso maʻanautolu ʻi he temipalé. ʻOku nau maʻu heni ʻa e faingamālie ke tali ʻa e papitaisó, ʻa ia ʻoku fie maʻu ki he puleʻanga fakasilesitialé.
Kuo pehē ʻe ʻEletā D. Toti Kulisitofasoni: “ʻOku fakamoʻoniʻi ʻe he ngaahi ngāue ʻoku tau fai maʻá e kakai pekiá ko Sīsū Kalaisi ʻa e Huhuʻi fakalangi ʻo e faʻahinga kotoa ʻo e tangatá. ʻOku aʻu ʻEne ʻaloʻofá mo e ngaahi talaʻofá kiate kinautolu naʻe ʻikai te nau ʻiloʻi Ia ʻi heʻenau kei moʻuí” (konifelenisi lahi ʻo ʻOkatopa 2000 [Liahona, 2000, 11]).