Te Māmoe i mo’e

E 100 māmoe tā te hō’ē tīa’i māmoe maita’i. ’Ua mo’e te hō’ē.

’Ua vaiiho ’oia i te 99 nō te ’imi i te māmoe tei mo’e.

’Ua ’oa’oa ’oia i te ’itera’ahia mai iāna te māmoe. ’Ua amo ’oia i te reira i ni’a i tōna tapono ma te ’oa’oa.

’Ua pi’i ’oia i tōna mau hoa ’e tōna mau ta’ata tupu. ’Ua nā ’ō ’oia : « E ’oa’oa ato’a tātou, ’ua ’itea ho’i iā’u tā’u māmoe i mo’e ra » (Luka 15:6).

E aha te aura’a nō te reira ?

Te feiā e hara, e au rātou mai te māmoe i mo’e. ’Ua ha’api’i mai te Fa’aora ē, e ’oa’oa rahi tō ni’a i te ra’i i te ta’ata hō’ē ’ia tātarahapa (hi’o Luka 15:7).

’O vai tō tātou Tīa’i māmoe maita’i ?

« E mea taui ’ore tō tātou tīa’i māmoe maita’i ’e e ’ite ’oia i te hō’ē ā huru i teie mahana nō ni’a i te hara ’e te ta’ata hara mai tāna i rave ’a ora ai ’oia i te fenua nei. … Nō tōna here rahi ia tātou, ’ua hōro’a mai ’oia i te ’ē’a nō tātou nō te tātarahapa ’e nō te riro mai ’ei ta’ata mā, ’ia ti’a ia tātou ’ia ho’i fa’ahou iāna ra ’e i tō tātou Metua i te ao ra. …

« … Tē fa’a’ite pāpū nei au ē o Iesu Mesia tō tātou tīa’i māmoe maita’i, ’o tē here nei ’e ’o tē ha’apa’o nei ia tātou. ’Ua ’ite ’oia ia tātou ’e ’ua hōro’a ’oia i tōna ora nō tāna mau māmoe ».

Elder Dale G. Renlund nō te pupu nō te Tino ’Ahuru ma Piti ’āpōsetolo, ’āmuira’a rahi nō ’Ēperēra 2017 (Ensign ’aore rā Liahona, Mē 2017, 32).