’Ua ti’afa’ahou te Mesia i teienei

’A ha’api’i mai e aha tā te ’āpōsetolo Paulo i ha’api’i nō ni’a i te ti’afa’ahoura’a o Iesu Mesia.

Hōho’a

Iesu Mesia tei ti’afa’ahou

Te Mesia tei ti’afa’ahou, nā Wilson J. Ong

i teienei, ’ua ti’afa’ahou te Mesia mai te pohe mai

’Ua pohe Iesu Mesia i ni’a i te sātauro, ’ua tu’uhia i roto i te hō’ē mēnema, ’e ’ua ti’afa’ahou mai te pohe mai i te toru o te mahana.

te mātāmua nō te feiā i ma’iri te ta’oto ra

Te aura’a nō te ta’o heleni tei fa’a’ohipahia i’ō nei nō te mātāmua ’o te mau mā’a mātāmua roa ïa o te matahiti. ’O te ’ō’otira’a mātāmua ïa—te ’ō’otira’a mātāmua e tae mai.

Te aura’a nō te parau ra rātou tei ta’oto ’oia ho’i « ’o rātou tei pohe ».

’O Iesu Mesia te ta’ata mātāmua tei ti’afa’ahou ’e i muri a’e i tōna ti’afa’ahoura’a, e ti’afa’ahou te mau ta’ata ato’a.

nā roto i te ta’ata i tae mai ai te pohe

Tē paraparau nei te reira nō ni’a ia Adamu. Tōna hi’ara’a, ’oia ho’i, e pohe te mau ta’ata ato’a ’o tē haere mai i roto i te ao nei. (Hi’o Mose 4.)

i roto i te Mesia e fa’aorahia’i te mau ta’ata ato’a

Maoti te ti’afa’ahoura’a o Iesu Mesia, e ti’afa’ahou mai te mau ta’ata ato’a. Te aura’a ra, e ti’afa’ahou mai te mau ta’ata ato’a tei ora a’enei ’aore rā o tē ora mai. E ’āmui-fa’ahou-hia tō tātou vārua i tō tātou tino, ’e e maita’i roa tō tātou tino ’e te tāhuti ’ore. (Hi’o Alama 11:44–45.)