Parau ’āfaro atu

Nō te aha e tītauhia ia tātou ’ia rave i te mau bāpetizora’a nō te mau tupuna i pohe ?

’Ua ha’api’i Iesu Mesia ē, e ti’a i te mau ta’ata ato’a ’ia bāpetizohia nō te tomo i roto i te bāsileia o te Atua, i muri mai i teie orara’a (hi’o Ioane 3:5). E rave rahi rā ta’ata tei ’ore roa atu i fāri’i i taua rāve’a ra.

’Ua heheu mai te Atua ē, te feiā tei pohe tei ’ore i bāpetizohia, e nehenehe te ’evanelia a Iesu Mesia e porohia ia rātou i roto i te ao vārua (hi’o 1 Petero 3:18–19 ; Te Ha’api’ira’a Tumu ’e te mau Fafaura’a 138:30–33). ’Ua heheu ato’a mai ’oia ē, e nehenehe i te ta’ata ora ’ia bāpetizohia nō teie mau ta’ata (hi’o 1 Korinetia 15:29 ; Te Ha’api’ira’a Tumu ’e te mau Fafaura’a 124 ; 128). E ti’a i teie mau bāpetizora’a ’ia ravehia i’ō nei i ni’a i te fenua nei.

E nehenehe tātou e ’imi i te mau pāpa’a parau o te mau tupuna tei pohe ’e e rave i te mau bāpetizora’a nō rātou i roto i te mau hiero. E hōro’a te reira ia rātou i te rāve’a nō te fāri’i i te bāpetizora’a, tei tītauhia nō te bāsileia tiretiera.

’Ua parau Elder D. Todd Christofferson : « Tē fa’a’ite pāpū nei tā tātou mau tauto’ora’a nō te feiā pohe ē, o Iesu Mesia te Tāra’ehara hanahana o te mau ta’ata ato’a. E tae roa atu tōna aroha ’e tāna mau fafaura’a i te feiā i roto i te orara’a, ’aita i ’ite iāna (’āmuira’a rahi nō ’Ātopa 2000 [Ensign, Novema 2000, 11]).

Nō te ha’amāramaramara’a hau atu, hi’o i te mau parau tumu o te ’Evanelia, « Bāpetizora’a nō te feiā pohe », topics.ChurchofJesusChrist.org.