Sisekelo Q.

15, ’Āfirita Apato’a

Tē pure tāmau nei au nō te manuia ’e te ora maita’i o tō’u ’utuāfare. Terā rā, ’aita ā te tahi mau ’ohipa i tupu mai tā’u i mana’o. ’Ua ha’amata vau i te uiui, tē fa’aro’o ra ānei te Atua i tā’u mau pure. ’A rahi noa ai tō’u pāpū ’ore, ’aita vau i pure pinepine. ’Ua mana’o vau, « nō te aha e ti’a iā’u ’ia pure ’ia ’ore ana’e au e putapū i te hō’ē mea ? »

I te hō’ē rā mahana, ’ua ’ite a’era vau ē, tē fē’a’a ra vau i te Atua. ’Ua riro noa nā ’oia ’ei Metua i te ao ra nō’u, tō’u pāturu ’e tō’u pūai rahi a’e. ’Ua ha’amata vau i te ta’i. I tō’u ho’ira’a i te fare i taua mahana ra, ’ua tūturi au nō te pure, nō te mea tē ’ite ra vau ē e au ra ’ua mo’e au i te pae vārua ’e i te pae manava.

I muri a’e i te pure, ’ua ’ite au i te tāmāhanahanara’a, te māhanahana ’e te here. ’Ua ’ite au tei pīha’i iho ’oia iā’u. ’Ua ’ite au tē ’ite nei te Metua i te ao ra i tā tātou mau ’arora’a ’e tē fa’aro’o nei i tā tātou mau tuō. Mai taua mahana ra, ’ua ta’a iā’u e fa’anahora’a rahi tāna nō tō’u ’utuāfare—te mau fa’anahora’a ’o te tītau i tāna taime ’e tō’u fa’a’oroma’i.