Mga Pangutana ug Mga Tubag

“Unsa ang akong mahimo kon gibati nako nga morag wala koy espirituhanon nga mga kasinatian?”

“Pag-ampo sa ngalan ni Jesukristo bahin sa inyong mga kabalaka, inyong mga kahadlok, inyong mga kahuyang—oo, ang mga tinguha sa inyong kasingkasing. Ug dayon maminaw! … Kon inyong balikbalikon kini nga proseso … , kamo ‘molambo ngadto sa baroganan sa pagpadayag.’”

Presidente Russell M. Nelson, “Pagpadayag alang sa Simbahan, Pagpadayag alang sa Atong mga Kinabuhi,” Abr. 2018 nga kinatibuk-ang komperensiya (Liahona, Mayo 2018, 95).

Mamalandong, Isulat, ug Hinuklogan

“Sa kataposan sa adlaw, mogahin ko og panahon sa pagpamalandong ug pagsulat sa akong journal mahitungod sa espirituhanon nga mga kasinatian nga akong nadawat nianang adlawa ug hinuklogan kini. Sa higayon nga buhaton nako kini, bation nako ang kalinaw. Nagpahinumdom usab kini nako sa pagtinguha sa espirituhanon nga mga kasinatian matag adlaw.”

Kianna G., 16, Zamboanga del Norte, Philippines

Mangutana sa Dios

“Ang padayon nga pagbasa sa imong mga kasulatan ug pag-ampo matag adlaw usa ka maayong paagi sa pagpakita sa Dios nga gusto ka nga makabaton og espirituhanon nga mga kasinatian. Kon gibati nimo nga ikaw morag walay espirituhanon nga mga kasinatian, nan sinsero nga mangayo sa Dios nga tabangan ka nga makaila niini. Siya nahigugma nimo ug motubag sa imong mga pag-ampo kon ikaw magtinguha nga buhaton nimo ang imong bahin.”

Elijah C., 15, Utah, USA

Pagmapailobon

“Pagmapailobon. Ang imong mga kasinatian dili sa kanunay sama sa uban’.”

Isabella F., 16, São Paulo, Brazil

Sunda ang Ebanghelyo

“Makabaton kita og espirituhanong mga kasinatian pinaagi sa pagbasa sa mga kasulatan, pagpaminaw sa mga pulong sa propeta, pagpuasa, pag-ampo, pag-adto sa templo, ug pagserbisyo sa uban. Kini nga mga butang makatabang nato nga mas mapaduol ngadto ni Kristo ug mas madawaton sa mga pag-aghat sa Espiritu Santo nga magdala nato og kalinaw.”

Nellie R., 16, Hidalgo, Mexico

Paminaw og Maayo

“Kinahanglan natong hinumdoman kanunay nga maminaw og maayo sa mga pag-aghat sa Balaang Espiritu. Makuha nato kini pinaagi sa labing gagmay nga mga butang. Bisan kon gagmay kini, molanog kini ngadto sa kahangtoran.”

Melissa A., 14, Paraíba, Brazil

Ang mga tubag gituyo alang sa pagtabang ug sa panglantaw, dili isip opisyal nga mga pamahayag sa doktrina sa Simbahan.

Unsa sa Imong Hunahuna?

“Unsaon man nako sa ‘pagpadan-ag sa akong kahayag’ kon dili kaayo ko mahigalaon?”

Ipadala ang imong tubag ug litrato kutob sa Oktubre 15, 2023.

Pag-email kanamo sa [e-mail]. O adto sa ftsoy.ChurchofJesusChrist.org ug i-klik ang “Isumiter ang Inyong Gibuhat.” Mo-sign in gamit ang inyong Account sa Simbahan ug dayon pilia ang “Alang sa Kalig-on sa mga Kabatan-onan” ubos sa “Pagpili og Magasin.” I-klik ang “Magdugang og File” aron sa pagpili sa inyong file ug mga litrato, ug dayon i-klik ang “Isumiter” aron sa pag-upload ug sa pagpadala ngari kanamo sa inyong file.

Ang mga tubag mahimong i-edit alang sa gitas-on o sa pagkaklaro.