“Ikonektar,” Alang sa Kalig-on sa mga Kabatan-onan, Sept. 2023.
Ikonektar
Sisekelo Q.
15, South Africa
Litrato pinaagi ni Ntebaleng Twala
Kanunay ko nga nag-ampo alang sa kalamposan ug kaayohan sa akong pamilya. Apan ang ubang butang wala pa mahitabo sama sa akong gilaoman. Misugod ko sa paghunahuna kon naminaw ba kaha ang Dios sa akong mga pag-ampo. Samtang nagkagrabe ang akong kawalay kaseguroan, panagsa na lang ko mag-ampo. Naghunahuna ko, “Nganong mag-ampo man ko nga wala man koy bisan unsa nga gibati?”
Apan usa ka adlaw, akong naamgohan nga nagduhaduha ko sa Dios. Siya sa kanunay mao ang akong Amahan sa Langit, ang akong labing mahinungdanong suporta ug kalig-on. Misugod ko sa paghilak. Pag-uli nako sa balay nianang adlawa, miluhod ko aron mag-ampo tungod kay gibati nako nga nahisalaag sa espirituwal ug emosyonal nga paagi.
Human sa pag-ampo, gibati nako ang kahupayan, kainit, ug gugma. Nasayod ko nga anaa Siya uban kanako. Nasayod ko nga ang Langitnong Amahan nakakita sa atong mga panlimbasog ug naminaw sa atong mga pagpangamuyo. Sukad nianang adlawa, akong nasabtan nga Siya adunay dakong mga plano alang sa akong pamilya—mga plano nga nagkinahanglan sa Iyang tukmang panahon ug akong pailob.