“Karon Nabanhaw si Kristo,” Alang sa Kalig-on sa mga Kabatan-onan, Sept. 2023.
Pagtulon-an human sa usa ka Pagtulon-an
Karon Nabanhaw si Kristo
Kat-oni unsay gitudlo ni Apostol Pablo mahitungod sa Pagkabanhaw ni Jesukristo.
The Resurrected Christ [Ang Nabanhaw nga Kristo], ni Wilson J. Ong
karon si Kristo nabanhaw gikan sa mga patay
Si Jesukristo namatay diha sa krus, gilubong sa usa ka lubnganan, ug sa ikatulong adlaw nabanhaw gikan sa mga patay.
nahaunang gibanhaw sa mga nangamatay
Ang Griyegong pulong nga gigamit dinhi sa nahauna nagpasabot nga kinaunhang bunga sa tuig. Kini ang kinaunhan nga giani—ang kinaunhan sa daghan pa nga moabot.
Ang hugpong sa mga pulong nga sa mga nangamatay nagpasabot nga “niadtong mga namatay na.”
Si Jesukristo mao ang kinaunhan nga nabanhaw, ug human sa Iyang Pagkabanhaw, ang tanang tawo pagabanhawon.
pinaagi sa usa ka tawo miabot ang kamatayon
Naghisgot kini mahitungod ni Adan. Ang iyang pagkapukan nagpasabot nga ang tanang tawo nga moanhi sa kalibotan mamatay. (Tan-awa sa Moises 4.)
diha kang Kristo ang tanan mangabuhi
Tungod sa Pagkabanhaw ni Jesukristo, ang tanang tawo pagabanhawon. Nagpasabot kini nga ang tanan nga nabuhi o mabuhi pa pagabanhawon. Ang atong mga espiritu mahiusa pag-usab sa atong mga lawas, ug ang atong mga lawas pagahingpiton ug dili na mamatay. (Tan-awa sa Alma 11:43–45.)