Mga Tanong at mga Sagot

“Ano ang maaari kong gawin kung sa pakiramdam ko ay wala akong mga espirituwal na karanasan?”

“Ipanalangin sa pangalan ni Jesucristo ang inyong mga alalahanin, ang inyong mga takot, mga kahinaan—oo, ang pinakaaasam ng inyong puso. At pagkatapos ay makinig! … Sa pag-ulit ninyo sa prosesong ito … , kayo ay ‘uunlad sa alituntunin ng paghahayag.’”

Pangulong Russell M. Nelson, “Paghahayag para sa Simbahan, Paghahayag para sa Ating Buhay,” pangkalahatang kumperensya ng Abr. 2018 (Liahona, Mayo 2018, 95).

Pagnilayan, Isulat, at Pag-isipan

“Sa pagtatapos ng maghapon, nag-uukol ako ng oras na magnilay-nilay at magsulat sa aking journal tungkol sa mga espirituwal na karanasang natanggap ko sa araw na iyon at pag-isipan ang mga ito. Kapag ginagawa ko ito, nakakadama ako ng kapayapaan. Ipinapaalala rin nito sa akin na maghanap ng mga espirituwal na karanasan araw-araw.”

Kianna G., 16, Zamboanga del Norte, Pilipinas

Humingi sa Diyos

“Ang patuloy na pagbabasa ng iyong mga banal na kasulatan at pagdarasal araw-araw ay magandang paraan para maipakita sa Diyos na gusto mong magkaroon ng mga espirituwal na karanasan. Kung sa pakiramdam mo ay wala kang mga espirituwal na karanasan, taimtim na hilingin sa Diyos na tulungan kang mapansin ang mga ito. Mahal ka Niya at sasagutin Niya ang iyong mga dalangin habang hinahangad mong gawin ang iyong bahagi.”

Elijah C., 15, Utah, USA

Maging Matiyaga

“Maging matiyaga. Ang iyong mga karanasan ay hindi palaging magiging katulad ng sa ibang tao.”

Isabella F., 16, São Paulo, Brazil

Ipamuhay ang Ebanghelyo

“Magkakaroon tayo ng mga espirituwal na karanasan sa pamamagitan ng pagbabasa ng mga banal na kasulatan, pakikinig sa mga salita ng propeta, pag-aayuno, pagdarasal, pagpunta sa templo, at paglilingkod sa kapwa. Ang mga bagay na ito ay tumutulong sa atin na mas mapalapit kay Cristo at maging mas madaling tumanggap ng mga pahiwatig mula sa Espiritu Santo na nagdudulot sa atin ng kapayapaan.”

Nellie R., 16, Hidalgo, Mexico

Pagtuunan ng Pansin

“Kailangan nating palaging tandaan na pansining mabuti ang mga pahiwatig ng Banal na Espiritu. Makukuha natin ang mga ito sa pinakamaliliit na bagay. Kahit maliit ang mga ito, maaaring umalingawngaw ang mga ito sa kawalang-hanggan.”

Melissa A., 14, Paraíba, Brazil

Ang mga sagot ay nilayong makatulong at magbigay ng pananaw, hindi bilang mga opisyal na pahayag ng doktrina ng Simbahan.

Ano sa Palagay Mo?

“Paano ko dapat ‘paliwanagin ang aking ilaw’ kung hindi ako mahilig lumabas?”

Ipadala ang iyong sagot at larawan bago sumapit ang Oktubre 15, 2023.

Mag-email sa amin sa [e-mail]. O pumunta sa ftsoy.ChurchofJesusChrist.org at magklik sa “Submit Your Work.” Mag-sign in gamit ang iyong Account sa Simbahan at pagkatapos ay piliin ang “For the Strength of Youth” sa ilalim ng “Choose Magazine.” Iklik ang “Add File” para piliin ang iyong file at mga larawan, at pagkatapos ay iklik ang “Submit” para i-upload at ipadala sa amin ang iyong file.

Ang mga sagot ay maaaring i-edit para paikliin o gawing mas malinaw.