Taludtod sa Taludtod

Si Cristo nga’y Nagbangon

Alamin ang itinuro ni Apostol Pablo tungkol sa Pagkabuhay na Muli ni Jesucristo.

The Resurrected Christ [Ang Nabuhay na Muling Cristo], ni Wilson J. Ong

1 Corinto 15:20–22

20 Datapuwa’t si Cristo nga’y muling binuhay sa mga patay, at siya ay naging pangunahing bunga ng nangatutulog.

21 Sapagka’t yamang pamamagitan ng tao’y dumating ang kamatayan, sa pamamagitan din naman ng tao’y dumating ang pagkabuhay na maguli sa mga patay.

22 Sapagka’t kung paanong kay Adam ang lahat ay nangamamatay, gayon din naman kay Cristo ang lahat ay bubuhayin.

ngayon si Cristo ay nagbangon mula sa mga patay

Si Jesucristo ay namatay sa krus, inihimlay sa isang puntod, at nagbangon mula sa mga patay sa ikatlong araw.

pangunahing bunga ng nangatutulog

Ang ibig sabihin ng salitang Griyego na ginamit dito para sa pangunahing bunga ay ang pinakaunang pananim ng taon. Ito ang unang aanihin—ang una sa marami pang darating.

Ang ibig sabihin ng katagang natutulog nangatutulog ay “yaong mga nangamatay.”

Si Jesucristo ang unang nabuhay na muli, at pagkatapos ng Kanyang Pagkabuhay na Muli, lahat ng tao ay mabubuhay na muli.

sa pamamagitan ng tao ay dumating ang kamatayan

Ito ay patungkol kay Adan. Ang kanyang pagkahulog ay nangangahulugan na lahat ng taong paparito sa mundo ay mamamatay. (Tingnan sa Moises 4.)

kay Cristo ang lahat ay bubuhayin

Dahil sa Pagkabuhay na Muli ni Jesucristo, lahat ng tao ay mabubuhay na muli. Ibig sabihin nito, ang lahat ng nabuhay o mabubuhay ay mabubuhay na muli. Ang ating espiritu ay muling magsasama sa ating katawan, at ang ating katawan ay magiging perpekto at imortal. (Tingnan sa Alma 11:44–45.)