Në Shtegun e Detyrës së Tyre
Pjesë të shkëputura
Jam mirënjohës për miliona anëtarë të Kishës që sot po vijnë te Shpëtimtari dhe po shkojnë përpara në shtegun e besëlidhjeve. … Besimi juaj i fortë tek Ati Qiellor e Zoti Jezu Krisht dhe jeta juaj modeste dhe e përkushtuar, më frymëzojnë të jem një njeri dhe dishepull më i mirë.
Ju dua. Ju admiroj. Ju falënderoj. Dhe ju përgëzoj.
Një thënie në Librin e Mormonit nga Samuel Lamaniti i përmbledh më së miri ndjenjat e mia për ju.
“Shikoni se pjesa më e madhe e tyre janë në shtegun e detyrës së tyre … dhe se po përpiqen me zell të vazhdueshëm, që të mund të sjellin mbetjen e vëllezërve të tyre në njohurinë e së vërtetës” [Helamani 15:5–6; theksimi i shtuar]. …
Ju jepni dashuri dhe shërbeni, dëgjoni dhe mësoni, kujdeseni dhe ngushëlloni, jepni mësim e dëshmoni me anë të fuqisë së Frymës së Shenjtë. Ju agjëroni dhe luteni shpesh, bëheni gjithnjë e më të fortë në përulësinë tuaj dhe gjithnjë e më të vendosur në besimin e Krishtit, “në mbushjen e shpirtrave … t[uaj] me gëzim dhe ngushëllim, po, madje në pastrimin dhe në shenjtërimin e zemrave … t[uaja], shenjtërim që vjen për shkak të dhënies së zemrave … t[uaja] Perëndisë” [Helamani 3:35].
… Ju që sot po shkoni përpara në shtegun e detyrës suaj, jeni forca e Kishës së rivendosur të Shpëtimtarit. Dhe ashtu si ka premtuar Zoti, “të gjitha fronet dhe zotërimet, principatat dhe fuqitë do të zbulohen e do të shpallen mbi ata që kanë duruar me besnikëri për ungjillin e Jezu Krishtit” [Doktrina e Besëlidhje 121:29].