Plëngprishësi dhe Rruga që të Çon në Shtëpi
Pjesë të shkëputura
The Return of the Prodigal Son [Kthimi i Djalit Plëngprishës], nga Richard Burde
Cili prej nesh nuk është larguar nga shtegu i shenjtërisë, duke menduar marrëzisht se mund të gjenim më shumë lumturi duke shkuar në vetë udhën tonë të përqendruar te vetja?
Cili prej nesh nuk është ndier i përulur, zemërthyer dhe i etur për falje dhe mëshirë?
Ndoshta disa madje mund ta kenë pyetur veten: “A është madje e mundur të kthehesh pas? A do të më etiketojnë përgjithmonë, përjashtojnë dhe shmangin miqtë e mi të mëparshëm? A është më mirë që thjesht të mbetem i humbur? Si do të reagojë Perëndia nëse përpiqem të kthehem?”
[S]hëmbëlltyra [e djalit plangprishës] na e jep përgjigjen.
Ati ynë Qiellor do të vrapojë drejt nesh, me zemrën të gufuar me dashuri dhe dhembshuri. …
Qielli do të ngazëllehet kur të kthehemi. …
Ndonëse zgjedhjet mund t’ju kenë larguar shumë nga Shpëtimtari dhe Kisha e Tij, Shëruesi Mjeshtër qëndron te rruga që të çon në shtëpi, duke ju mirëpritur. Dhe ne, si anëtarë të Kishës së Jezu Krishtit, kërkojmë ta ndjekim shembullin e Tij dhe ju përqafojmë si vëllezërit dhe motrat tona, si miqtë tanë. Ne ngazëllejmë dhe kremtojmë me ju. …
Nuk pretendoj se rikthimi është një gjë që bëhet lehtë. Mund të dëshmoj për këtë. Në fakt, mund të jetë zgjedhja më e vështirë që do të bëni ndonjëherë.
Por unë jap dëshmi se, në çastin që vendosni të ktheheni dhe ecni në udhën e Shpëtimtarit dhe Shëlbuesit tonë, fuqia e Tij do të hyjë në jetën tuaj dhe do ta shndërrojë atë.