Fuqia Vulosëse
Pjesë të shkëputura
Ne priremi të mendojmë për autoritetin vulosës se gjen zbatim vetëm në ordinanca të caktuara në tempull, por ai autoritet është i domosdoshëm për ta bërë cilëndo ordinancë të vlefshme dhe lidhëse përtej vdekjes. …
Vlefshmëria që fuqia vulosëse u jep ordinancave të priftërisë përfshin, sigurisht, ordinancat mëkëmbëse të kryera në vendin e caktuar nga Zoti – në tempullin e Tij. … Kjo fuqi vulosëse është një shfaqje e përsosur e drejtësisë, mëshirës dhe dashurisë së Perëndisë.
Me të drejtën e përdorimit të fuqisë vulosëse, zemrat tona në mënyrë të natyrshme kthehen drejt atyre që kanë shkuar përpara nesh. Mbledhja e ditëve të mëvonshme në besëlidhje kapërcen përtej velit. …
Shfaqja më e lartë dhe më e shenjtë e fuqisë vulosëse është në bashkimin e përjetshëm të një burri dhe një gruaje në martesë dhe lidhjen e njerëzimit përmes të gjithë brezave të tyre. …
Ne mund të shohim përse “martesa midis një burri dhe një gruaje shugurohet nga Perëndia dhe se familja është thelbësore në planin e Krijuesit për destinacionin e përjetshëm të fëmijëve të Tij” [“Familja: Një Proklamatë drejtuar Botës”, Gospel Library (Biblioteka e Ungjillit)]. Në të njëjtën kohë, ne e pranojmë se në të tashmen e papërsosur, ky nuk është realiteti ose madje mundësia realiste për disa. Por ne kemi shpresë te Krishti. …
Dëshmoj se fuqia vulosëse dhe autoriteti i rivendosur tokës nëpërmjet Jozef Smithit janë realë, se ajo që është lidhur në këtë mënyrë në tokë, është vërtet e lidhur në qiell.