Մնացեք այդ օրը Քրիստոսում
Հատվածներ
Իմ անձնական փորձից սովորել եմ, որ Տիրոջ գալստյան համար հոգևոր նախապատրաստությունը ոչ միայն շատ կարևոր է, այլև իրական խաղաղություն և երջանկություն գտնելու միակ ճանապարհն է:
Աշնանային մի արևոտ և ցրտաշունչ օր էր, երբ առաջին անգամ լսեցի «Դուք քաղցկեղով հիվանդ եք» բառերը: ․․․
Եթե ես մահանայի, ապա Հիսուս Քրիստոսի և Նրա վերականգնված ավետարանի շնորհիվ իմ ընտանիքը կմխիթարվեր, կամրապնդվեր և մի օր կվերականգնվեր: Եթե ես ապրեի, ապա ինձ հասանելի կլիներ երկրի վրա եղած ամենամեծ զորությունը, որն ինձ կսատարեր, կաջակցեր և կբուժեր։ Ի վերջո, Հիսուս Քրիստոսի շնորհիվ ամեն ինչ լավ կլինի։ ․․․
Հիսուս Քրիստոսը մեզ հնարավորություն է տալիս «մնալ այդ օրը»։ «Այդ օրը մնալը» չի նշանակում, որ պետք է մեծացնենք մեր անելիքների ցուցակը։ Այն նման է խոշորացույցի: Դրա միակ նպատակը պարզապես իրերն ավելի մեծ ցուցադրելը չէ: Այն կարող է նաև հավաքել ու կենտրոնացնել լույսը՝ դարձնելով այն ավելի ուժեղ: Մենք պետք է պարզեցնենք, կենտրոնացնենք մեր ջանքերը և լինենք Հիսուս Քրիստոսի Լույսի հավաքողները: Մեզ ավելի շատ են անհրաժեշտ նվիրական և հայտնություն հրավիրող փորձառություններ: ․․․
Հավերժական կյանքը հավերժական ուրախություն է։ Դժվարություններից դասեր քաղելու և դրանք հաղթահարելու Տիրոջ օգնության շնորհիվ, այլ ոչ թե մեր դժվարությունների պատճառով է հավերժական կյանքը ուրախություն հանդիսանում այս կյանքում՝ հիմա և անչափելի ուրախություն՝ գալիք կյանքում: Արցունքները կչորանան, կոտրված սրտերը կնորոգվեն, կորած բաները կգտնվեն, մտահոգությունները կփարատվեն, ընտանիքները կմիանան, և այն ամենը, ինչ Հայրն ունի, կտրվի մեզ։