Մեր մշտական ուղեկիցը
Հատվածներ
Միակը, Մալորի Ֆիզո
Մենք և դուք կունենանք Սուրբ Հոգու մշտական ընկերակցության կարիքը: Այժմ մենք կամենում ենք դա, այնուամենայնիվ, մենք փորձից գիտենք որ դրան հասնելը հեշտ չէ: Առօրյա կյանքում մեզանից յուրաքանչյուրն ասում է և կատարում է քայլեր, որոնք կարող են վիրավորել Սուրբ Հոգուն:
Երբ դա տեղի է ունենում, իսկ դա տեղի կունենա, մենք, գուցե, հավանություն չզգանք Տիրոջ կողմից: Երբեմն մենք կարող ենք գայթակղվել՝ զգալու, որ մենակ ենք։ ․․․
Եթե պարզել եք, որ դժվարությամբ եք զգում Սուրբ Հոգուն, դուք պետք է իմաստություն ունենաք խորհելու՝ արդյոք կա մի բան, որի համար դուք պետք է ապաշխարեք և ներում ստանաք: Դուք կարող եք հավատքով աղոթել, որ իմանաք, թե ինչ անեք, որ մաքրվեք և, այդպիսով, արժանի դառնաք Սուրբ Հոգու մշտական ընկերակցությանը:
Եթե դուք ցանկանում եք ստանալ Սուրբ Հոգու ընկերակցությունը, պետք է կամենաք դա ճիշտ պատճառներով: Ձեր նպատակը պետք է լինի Տիրոջ նպատակը: Եթե ձեր շարժառիթները խիստ եսասիրական են, ձեզ համար դժվար կլինի ստանալ և զգալ Հոգու հուշումները:
Բանալին ինձ համար և ձեզ համար. ցանկանալ այն, ինչ Փրկիչն է ցանկանում։ Մեր շարժառիթները պետք է առաջնորդվեն Քրիստոսի մաքուր սիրով: ․․․
․․․ Սուրբ Հոգին ուղարկվում է Հիսուս Քրիստոսի Եկեղեցու ուխտի հավատարիմ անդամներին: Ձեր փորձառություններն անզուգական կլինեն, և Հոգին կառաջնորդի այն ուղիով, որը լավագույնս համապատասխանում է ձեր հավատքին և կարողությանը, որպեսզի հայտնություն ստանաք ձեզ և նրանց համար, ում սիրում և ծառայում եք: Ես աղոթում եմ իմ ողջ սրտով, որ ձեր վստահությունն աճի։