អ្នកនឹងមានអំណរដ៏មហិមា
សេចក្តីដកស្រង់
ថ្ងៃនេះខ្ញុំសូមនិយាយទៅកាន់រៀមច្បង ដែលមានបទពិសោធន៍ច្រើនក្នុងសាសនាចក្រ ដែលអាចបម្រើជាអ្នកផ្សព្វផ្សាយសាសនាបាន ។ ព្រះអម្ចាស់ត្រូវការបងប្អូន ។…
ពេលខ្ញុំទៅទស្សនកិច្ចបេសកកម្មទាំងឡាយនៅជុំវិញពិភពលោក ខ្ញុំបានឃើញការបម្រើដ៏អស្ចារ្យនៃក្រុមអ្នកផ្សព្វផ្សាយសាសនារៀមច្បងរបស់យើង ។ វាច្បាស់ថាពួកគាត់រីករាយក្នុងការធ្វើតាម « ព្រះហឫទ័យនៃព្រះអម្ចាស់ » ហើយចេញទៅធ្វើ « ធុរកិច្ចរបស់ព្រះអម្ចាស់ » [ គោលលទ្ធិ និងសេចក្ដីសញ្ញា ៦៤:២៩ ] ។…
ខ្ញុំបានហៅគូស្វាមីភរិយាជាច្រើនឲ្យបម្រើ ហើយបានឃើញពន្លឺនៃព្រះគ្រីស្ទមានពេញនៅលើទឹកមុខរបស់ពួកគេ ។ ពេលត្រឡប់ទៅវិញ ពួកគេបានរៀបរាប់ថា ពួកគេបានខិតទៅកាន់តែជិតព្រះអម្ចាស់ និងជិតគ្នាទៅវិញទៅមក ទទួលអារម្មណ៍ពីព្រះវិញ្ញាណនៃព្រះអម្ចាស់ចាក់ស្រោចលើពួកគេ ហើយដឹងថា ពួកគេកំពុងធ្វើឲ្យមានភាពខុសប្លែកមួយ ។… តើនរណាមិនចង់បានដូច្នេះ ?…
ក្នុងនាមជាសាវករបស់ព្រះអម្ចាស់ព្រះយេស៊ូវគ្រីស្ទ ខ្ញុំសូមឲ្យបងប្អូនបម្រើជាអ្នកផ្សព្វផ្សាយសាសនា ដើម្បីប្រមូលផ្ដុំអ៊ីស្រាអែល ហើយអាចមកបម្រើម្ដងទៀតផងដែរ ។…
ខ្ញុំក៏សូមសន្យាដែរថា កាលបងប្អូនបម្រើ នោះបងប្អូននឹងទទួលអារម្មណ៍ពីក្ដីស្រឡាញ់នៃព្រះអម្ចាស់ក្នុងជីវិត ហើយបងប្អូននឹងស្គាល់ទ្រង់ ទ្រង់នឹងស្គាល់បងប្អូនហើយ « បងប្អូននឹងមានសេចក្តីអំណរដ៏មហិមា » [ គោលលទ្ធិ និង សេចក្តីសញ្ញា ១៨:១៥ ] ។ ការបម្រើដ៏លះបង់របស់បងប្អូនចំពោះព្រះយេស៊ូវគ្រីស្ទនឹងបំផុសគំនិត និងផ្ដល់ពរជ័យដល់គ្រួសារ ចៅៗ និងចៅទួតរបស់បងប្អូន ។ « ក្តីសុខសាន្ត និងក្តីស្រឡាញ់ [ នឹង ] មានកាន់តែច្រើនឡើង » [ ពួកចៅហ្វាយ ១:២ ] ក្នុងជីវិតរបស់ពួកគេក្នុងពេលខាងមុខ ។