ព្រះយេស៊ូវគ្រីស្ទគឺជាកំណប់ទ្រព្យ

សេចក្តីដកស្រង់

អែលឌើរ ឌែល ជី រិនឡាន់

ក្នុងកូរ៉ុមនៃពួកសាវកដប់ពីរនាក់

ព្រះគម្ពីរមរមន ព្យាការី យ៉ាកុប បានសំដៅទៅលើការមិនឲ្យតម្លៃអ្វីដែលនៅក្បែរខ្លួននោះថាជា « ការមើលហួសទីដៅ » ។ [ យ៉ាកុប ៤:១៤ ] ។ …

… យើងត្រូវចាំយាមកុំឲ្យមានទំនោរបែបនេះ ក្រែងយើងខកមើលមិនឃើញព្រះយេស៊ូវគ្រីស្ទនៅក្នុងជីវិតយើង ហើយខកមិនបានទទួលស្គាល់ពរជ័យជាច្រើនដែលទ្រង់ប្រទានឲ្យយើង ។ ពួកយើងត្រូវការទ្រង់ ។… បើយើងស្រមៃគិតមិនត្រឹមត្រូវថា យើងត្រូវការអ្វីមួយដែលលើសពីអ្វីដែលទ្រង់បានប្រទានឲ្យ នោះយើងនឹងបដិសេធ ឬបន្ថយវិសាលភាព និងព្រះចេស្តាដែលទ្រង់អាចប្រទានមកក្នុងជីវិតយើងហើយ ។… ព្រះយេស៊ូវគ្រីស្ទគឺជាកំណប់ទ្រព្យរបស់យើង ។

ព្រះអង្គសង្គ្រោះបានប្រទានឲ្យយើងនូវវិធីជាច្រើន ដើម្បីផ្ដោតលើទ្រង់ដោយចេតនា រួមទាំងឱកាសប្រចាំថ្ងៃដើម្បីប្រែចិត្តផងដែរ ។ ពេលខ្លះ យើងមិនឲ្យតម្លៃនូវពរជ័យដ៏មហិមាដែលបានប្រទានឲ្យនេះទេ ។…

… កំណប់ពរជ័យនៃសាក្រាម៉ង់គឺមានសម្រាប់យើងរាល់ពេលដែលយើងចូលរួមការប្រជុំសាក្រាម៉ង់ ។… ព្រះវិញ្ញាណបរិសុទ្ធប្រទានពរដល់យើងដោយព្រះចេស្ដារញែកជាបរិសុទ្ធរបស់ទ្រង់ ដើម្បីឲ្យយើងអាចរក្សាបានការផ្តាច់បាបពីមួយសប្តាហ៍ទៅមួយសប្ដាហ៍ ។ …

ពេលយើងមានព្រះវិញ្ញាណបរិសុទ្ធគង់ជាមួយយើង នោះយើងនឹងត្រូវបានបំផុសគំនិត និងណែនាំឲ្យធ្វើ និងរក្សាសេចក្ដីសញ្ញាផ្សេងទៀត ដូចជាសេចក្ដីសញ្ញាដែលយើងធ្វើនៅក្នុងព្រះវិហារបរិសុទ្ធជាដើម ។ ការធ្វើបែបនេះពង្រឹងដល់ទំនាក់ទំនងយើងជាមួយព្រះ ។ … ការប្តេជ្ញាចិត្តរបស់យើងក្នុងការចូលរួមគួរតែមានភាពខ្លាំងក្លាដដែល ដូចពេលដែលព្រះវិហារបរិសុទ្ធនៅឆ្ងាយ ។

… នៅពេលយើងទុកចិត្តលើព្យាការីរបស់ព្រះនៅលើផែនដីសព្វថ្ងៃនេះ ហើយធ្វើតាមដំបូន្មានរបស់លោក នោះយើងនឹងរកឃើញសុភមង្គល ហើយយើងក៏អាចបានព្យាបាលផងដែរ ។ យើងមិនចាំបាច់មើលទៅឆ្ងាយទេ ។

ថែរក្សាអំណោយទានទាំងឡាយរបស់ទ្រង់ ។

អែលឌើរ រិនឡាន់ បានអញ្ជើញយើងឲ្យទុកព្រះយេស៊ូវគ្រីស្ទគឺជាកំណប់ទ្រព្យ ។ លោកមានប្រសាសន៍ទៀតថា យើងគួរតែផ្តល់អាទិភាពដល់អំណោយទាននៃព្រះវិហារបរិសុទ្ធ ពិធីសាក្រាម៉ង់ និងការប្រែចិត្តរាល់ថ្ងៃ ។ តើអ្នកនឹងចាត់ទុករបស់ទាំងនោះ ជាកំណប់ទ្រព្យ បន្ថែមក្នុងជីវិតរបស់អ្នកដោយរបៀបណា ?