ការមើលទៅគ្រួសាររបស់ព្រះតាមកញ្ចក់បង្រួមទិដ្ឋភាព
សេចក្តីដកស្រង់
តើវាអាចទៅរួចទេ ដើម្បីចាប់ផ្ដើមមើលឃើញដូចជាព្រះទតឃើញ ទោះជាយើងកំពុងរស់នៅលើផ្ទៃផែនដីនេះក្ដី—ដើម្បីស្គាល់អារម្មណ៍ ទិដ្ឋភាពបង្រួម នេះ ? ខ្ញុំជឿថា យើងអាចស្គាល់បាន តាមរយៈភ្នែកនៃសេចក្ដីជំនឿ បង្រួមវាឲ្យតូច ហើយមើលមកខ្លួនឯង និងក្រុមគ្រួសារយើងដោយក្ដីសង្ឃឹម និងអំណរ ។…
…ដោយសារតែព្រះគ្រីស្ទ នោះអ្វីៗគ្រប់យ៉ាងនឹងដោះស្រាយបាន ។ គ្រប់យ៉ាងដែលបងប្អូនគ្រប់គ្នាៗ កំពុងព្រួយបារម្ភ—វានឹងមិនអីទេ ! ហើយអស់អ្នកដែលមើលដោយភ្នែកនៃសេចក្ដីជំនឿ អាចមានអារម្មណ៍ ថាវានឹងមិនអីទេ នាពេលនេះ ។…
ពេលខ្លះអ្វីដែលយើងត្រូវការគឺការយល់ចិត្តជាជាងដំបូន្មាន ការស្ដាប់ជាជាងការទេសនា ។…
សូមយើងបង្រួមឲ្យតូច ដើម្បីមើលទៅទំនាក់ទំនងគ្រួសារថាជាមធ្យោបាយដ៏មានអានុភាពមួយ ដើម្បីបង្រៀនយើងនូវមេរៀនដែលយើងមកទីនេះដើម្បីរៀន នៅពេលយើងងាកទៅរកព្រះអង្គសង្គ្រោះ ។
សូមសារភាពថា នៅក្នុងពិភពលោកដែលធ្លាក់នេះ គ្មានផ្លូវដែលយើងអាចក្លាយជាស្វាមីភរិយា ឪពុកម្ដាយ កូនប្រុស ឬកូនស្រី ចៅ គ្រូបង្វឹក ឬមិត្តភក្ដិដ៏ល្អឥតខ្ចោះនោះទេ— ប៉ុន្ដែមានផ្លូវរាប់លានដើម្បីធ្វើជាបុគ្គលល្អបាន ។…
នៅក្នុងថ្ងៃចុងក្រោយនេះ ប្រហែលជាកិច្ចការដ៏មហិមាររបស់យើងនឹងជាការនៅជាមួយមនុស្សជាទីស្រឡាញ់របស់យើង—មនុស្សល្អរស់នៅ ក្នុងពិភពលោកទុច្ចរិត ។ សេចក្ដីសង្ឃឹម របស់យើង ផ្លាស់ប្ដូររបៀបដែលពួកគេមើលខ្លួនឯង និងខ្លួនគេជានរណាពិត ។ ហើយតាមរយៈកញ្ចក់នៃក្ដីស្រឡាញ់នេះ ពួកគេនឹងឃើញបុគ្គលដែលពួកគេ នឹង ប្រែក្លាយ ។…
ហើយដោយសារយើងគឺជាបុត្រាបុត្រីនៃសេចក្ដីសញ្ញា នោះយើងអាចទូលសូមដើម្បីមានអារម្មណ៍នៃក្ដីសង្ឃឹមនេះ នាពេលនេះបាន ! ។…
សេចក្ដីស្រឡាញ់គឺជាអ្វីដែលផ្លាស់ប្ដូរដួងចិត្តបាន ។ វាគឺជាការជំរុញចិត្តដ៏បរិសុទ្ធបំផុត ហើយអ្នកដទៃអាចដឹងពីអារម្មណ៍នោះ ។… ប្រាកដណាស់ អ្នកដែលស្រឡាញ់ខ្លាំងបំផុត និងឲ្យយូរបំផុត គឺជាអ្នកឈ្នះ ! …
បងប្អូន និងខ្ញុំ ? យើងអាចធ្វើរឿងនេះបាន ! យើងអាចស៊ូទ្រាំ និងបន្ដសង្ឃឹមបាន !