ធ្វើជាអ្នកដើរតាមព្រះយេស៊ូវគ្រីស្ទដោយសុខសាន្ត
សេចក្តីដកស្រង់
សម្រាប់យើងក្នុងសាសនាចក្រដែលខិតខំធ្វើជា អ្នកដើរតាមព្រះគ្រីស្ទដោយសុខសាន្ត នោះថ្ងៃដ៏ភ្លឺស្វាងកំពុងរង់ចាំយើង នៅពេលយើងផ្ដោតលើព្រះអម្ចាស់ និងព្រះអង្គសង្គ្រោះរបស់យើង គឺព្រះយេស៊ូវគ្រីស្ទ ។ ការសាកល្បងជាផ្នែកមួយនៃជីវិតរមែងស្លាប់ ហើយកើតឡើងចំពោះជីវិតរបស់មនុស្សគ្រប់រូបទូទាំងពិភពលោក ។…
ថ្នាក់ដឹកនាំសាសនាចក្រត្រូវបានគេសួរជាញឹកញាប់ថា « ហេតុអ្វីបានជាព្រះអនុញ្ញាតឲ្យរឿងអាក្រក់ៗកើតឡើង ជាពិសេសចំពោះមនុស្សល្អ ? » …
យើងមិនដឹងចម្លើយទាំងអស់ទេ តែយើងដឹងពីគោលការណ៍សំខាន់ៗ ដែលអនុញ្ញាតឲ្យយើងប្រឈមមុខនឹងការសាកល្បង ទុក្ខលំបាក និងទុក្ខវេទនាដោយសេចក្តីជំនឿ និងមានទំនុកចិត្តថាមានអនាគតដ៏ភ្លឺស្វាងរង់ចាំយើងម្នាក់ៗ ។…
យើងទទួលស្គាល់ថាយើងទាំងអស់គ្នាភាគច្រើនបានជួបប្រទះនឹងព្យុះនៃការបំផ្លិចបំផ្លាញមួយចំនួនទាំងខាងរូបកាយ និងខាងវិញ្ញាណក្នុងជីវិតយើង ។ ព្រះវរបិតា និងព្រះរាជបុត្រាទ្រង់គឺព្រះយេស៊ូវគ្រីស្ទ ដែលគង់នៅស្ថានសួគ៌ គឺជាព្រះសិរសានៃសាសនាចក្រដែលបានស្ដារឡើងវិញរបស់ទ្រង់នេះ បានប្រទានព្រះគម្ពីរ និងព្យាការីដើម្បីរៀបចំយើង ព្រមានយើងអំពីគ្រោះថ្នាក់ និងផ្ដល់ការណែនាំដល់យើងដើម្បីរៀបចំ និងការពារយើង ។ ការណែនាំខ្លះទាមទារឲ្យធ្វើសកម្មភាពភ្លាមៗ និងខ្លះទៀតផ្តល់ការការពារជាច្រើនឆ្នាំនាពេលអនាគត ។…
…ជីវិតពោរពេញដោយការសរសើរ តន្ត្រី និងអរព្រះគុណគឺជាពរជ័យយ៉ាងពិសេស ។ ការមានអំណរគុណ ហើយពឹងផ្អែកលើជំនួយពីស្ថានសួគ៌តាមរយៈការអធិស្ឋាន គឺជាវិធីដ៏មានព្រះចេស្តាដើម្បីក្លាយជា អ្នកដើរតាមព្រះគ្រីស្ទដោយសុខសាន្ត ។ ការព្យាយាមដើម្បីមានក្តីសង្ឃឹមជានិច្ច ជួយជៀសវាងពីការធ្លាក់ចុះខាងវិញ្ញាណ ។…
ក្នុងនាមជាសាវកមួយរូបរបស់ព្រះអម្ចាស់យេស៊ូវគ្រីស្ទ ខ្ញុំសូមថ្លែងទីបន្ទាល់ថា « អ្នកដើរតាមព្រះយេស៊ូវគ្រីស្ទដោយសុខសាន្ត » នឹងរកឃើញភាពសុខសាន្តផ្ទាល់ខ្លួនក្នុងជីវិតនេះ និងការជួបជុំដ៏រុងរឿងនៅស្ថានសួគ៌ ។