« ទទួលបានជោគជ័យជាមួយព្រះអង្គសង្គ្រោះ » ដើម្បីកម្លាំងនៃយុវជន ខែ មករា ឆ្នាំ ២០២៤ ។
កម្លាំងដើម្បីរៀបចំខ្លួន និងប្រែក្លាយ
ទទួលបានជោគជ័យជាមួយព្រះអង្គសង្គ្រោះ
ព្រះអង្គសង្គ្រោះកំពុងជួយអ្នកបំពេញបំណងប្រាថ្នាដ៏សុចរិតរបស់អ្នកសម្រាប់អនាគតរបស់អ្នក ។
« រៀបចំសម្រាប់អនាគតរបស់អ្នក » ។ វាហាក់ដូចជាសារលិខិតនោះគឺនៅពីក្រោយជីវិតរបស់យុវវ័យជាច្រើន—ទាំងនៅសាលារៀន នៅព្រះវិហារ កន្លែងធ្វើការ នៅផ្ទះ ។ អ្នកអាចចាប់ផ្ដើមគិត « បាទ/ចាស បាទ/ចាស ។ ខ្ញុំយល់ហើយ » ។ ជាការពិតណាស់ អ្នកដឹងថាអនាគតនឹងមកដល់ ហើយអ្នកគួរតែរៀបចំខ្លួនសម្រាប់អនាគត ។ ហើយនៅក្នុងចិត្ត អ្នកចង់មាន អនាគតភ្លឺថ្លា ។
អ្នកចាប់ផ្ដើមស្គាល់បេះដូងរបស់អ្នក ។ អ្នករៀនពីអ្វីដែលអ្នកពិតជាចង់បាន ។ អ្នកចង់ធ្វើកិច្ចការល្អ និងមានអត្ថន័យនៅក្នុងជីវិតរបស់អ្នក—ដើម្បីសម្រេចជោគជ័យរបស់អ្នកនៅក្នុងពិភពលោក និងក្នុងជីវិតរបស់អ្នកដទៃ ដើម្បីបម្រើព្រះ និងមនុស្សទូទៅ ។ អ្នកកំពុងតែចាប់ផ្ដើមដឹងថា នេះគឺជារឿងត្រឹមត្រូវ ហើយនឹងធ្វើឲ្យអ្នកសប្បាយចិត្តយ៉ាងពិតប្រាកដ ។
ដូច្នេះ នេះជាចំណុចសំខាន់មួយចំនួនទៀតដែលត្រូវដឹងពេលអ្នកធំឡើង និងត្រៀមខ្លួនសម្រាប់អនាគត ៖
-
ព្រះអម្ចាស់ក៏ស្គាល់ចិត្តរបស់អ្នកផងដែរ ( សូមមើល គោលលទ្ធិ និងសេចក្តីសញ្ញា ៦:១៦ ) ។ ដោយសារបំណងប្រាថ្នាដ៏ជ្រាលជ្រៅ និងស្មោះស្ម័គ្ររបស់អ្នកសម្រាប់ជីវិតរបស់អ្នកគឺល្អ និងសុចរិត ព្រះយេស៊ូវគ្រីស្ទគង់នៅជាមួយអ្នក ដើម្បីពង្រឹងអ្នក នៅពេលអ្នករៀបចំខ្លួន ។
-
អ្នកមិនគ្រាន់តែរៀបចំខ្លួនដើម្បី ធ្វើ អ្វីៗដែលអ្នក កំពុងប្រែក្លាយ ជាអ្វីដែលព្រះវរបិតាសួគ៌ និងព្រះអង្គសង្រ្គោះជ្រាបដឹងថាអ្នកអាចប្រែក្លាយនោះទេ ។
-
អ្នកអាចរីករាយនឹងពេលបច្ចុប្បន្ន ខណៈពេលដែលក៏កំពុងរៀបចំខ្លួនសម្រាប់ពេលអនាគតដែរនោះ ។ ពេលវេលានេះក្នុងជីវិតរបស់អ្នកគឺពិសេស ហើយជម្រើសដ៏ល្អដែលអ្នកធ្វើកំពុងរៀបចំអ្នកសម្រាប់អនាគតដ៏ភ្លឺស្វាងមួយ ។
នៅពេលដែលអ្នកគិតអំពីអ្វីដែលអ្នកកំពុងរៀបចំខ្លួននោះ សូមគិតផងដែរអំពីរបៀបដែលព្រះអង្គសង្គ្រោះកំពុងពង្រឹងអ្នកនៅតាមផ្លូវនេះ ។ ហើយគិតអំពីអ្វីដែលទ្រង់កំពុងជួយអ្នកឲ្យប្រែក្លាយ ។
តើអ្នកកំពុងរៀបចំខ្លួនសម្រាប់ធ្វើអ្វី ?
នេះគឺគ្រាន់តែជាឧទាហរណ៍មួយចំនួន ៖
-
ទទួលការអប់រំបន្ថែម
-
សេចក្ដីសញ្ញាព្រះវិហារបរិសុទ្ធ
-
បេសកកម្ម
-
អាពាហ៍ពិពាហ៍
-
ធ្វើការ និងអាជីព
-
គ្រួសារ និងធ្វើជាឪពុកម្តាយ
-
ភាពជាសិស្សពេញមួយជីវិត
តើព្រះវរបិតាសួគ៌ និងព្រះយេស៊ូវគ្រីស្ទពង្រឹងអ្នកដោយរបៀបណា ?
នេះគឺគ្រាន់តែជាឧទាហរណ៍មួយចំនួន ៖
-
ទ្រង់ទាំងទ្វេបញ្ជូនព្រះវិញ្ញាណបរិសុទ្ធដល់អ្នក ដែលអ្នកអាច ៖
-
លួងលោមអ្នក ។
-
ដឹកនាំអ្នក ។
-
បំផុសគំនិតអ្នក ។
-
រំឭកអ្នកពីអ្វីៗដែលអ្នកបានរៀន ។
-
ផ្ដល់ទំនុកចិត្តដល់អ្នក ។
-
ផ្ដល់សេចក្តីសុខសាន្តដល់អ្នក ។
-
ធ្វើឲ្យសេចក្តីភ័យខ្លាចរបស់អ្នកស្ងប់ទៅ ។
-
-
ទ្រង់ ទាំងទ្វេបំផុសគំនិតដល់ព្យាការីដើម្បីបង្រៀនអ្នក តាមរយៈ ៖
-
សន្និសីទទូទៅ ។
-
ទស្សនាវដ្ដីសាសនាចក្រ ។
-
ការចាក់ផ្សាយពិសេស ។
-
គេហទំព័រសាសនាចក្រ និងប្រព័ន្ធផ្សព្វផ្សាយសង្គម ។
-
ដើម្បីកម្លាំងនៃយុវជន ៖ សេចក្តីណែនាំសម្រាប់ធ្វើការជ្រើសរើស ។
-
-
ទ្រង់ទាំងទ្វេបំផុសគំនិតអ្នកដទៃឲ្យជួយ និងគាំទ្រអ្នក រួមទាំង ៖
-
ឪពុកម្ដាយ ។
-
មិត្តភក្ដិ ។
-
អ្នកដឹកនាំ ។
-
គ្រូបង្រៀន ។
-
តើព្រះយេស៊ូវ គ្រីស្ទកំពុងជួយអ្នកឲ្យប្រែក្លាយជានរណា ?
ព្រះយេស៊ូវគ្រីស្ទកំពុងជួយអ្នកឲ្យប្រែក្លាយកាន់តែដូចជាអង្គទ្រង់—ឲ្យកាន់តែដូចជាព្រះវរបិតាសួគ៌របស់អ្នក ។
ទ្រង់ទាំងទ្វេរីករាយដែលអ្នកបោះជំហានតូចៗនីមួយៗដែលអ្នកធ្វើ—រាល់បទគម្ពីរដែលអ្នកអាន រាល់កិច្ចការសាសនាចក្រដែលអ្នកបំពេញ រាល់កិច្ចការសាលាដែលអ្នកខំប្រឹងប្រែង រាល់ការប្រឡងដែលអ្នកខំសិក្សា រាល់ការអនុវត្តដែលអ្នកចូលរួម រាល់ពាក្យសម្ដីល្អៗដែលអ្នកនិយាយ រាល់សកម្មភាពនៃការបម្រើដែលអ្នក ផ្តល់ឲ្យ និងជាច្រើនទៀត ។
ដោយមានកម្លាំងរបស់ព្រះអង្គសង្គ្រោះ នោះអ្នកនឹងរៀបចំខ្លួនបានកាន់តែប្រសើរសម្រាប់អនាគតរបស់អ្នក ជាងពេលដែលអ្នកអាចធ្វើបានដោយគ្មានទ្រង់ ។ អ្នកនឹងប្រែក្លាយជាបុគ្គលដ៏មហិមា ។