Soqoni ena Yakavi ni Sigatabu
Marautaka na iSolisoli ni iDola ni Matabete
Veitikina lavetaki
Ke sega na idola ni matabete, ena sega ni rawa nida ciqoma na cakacaka vakalotu kei na veiyalayalati ka na vauci keda vei ira na noda daulomani me tawamudu ka vakatarai keda meda bula vata kei na Kalou.
Na idola ni matabete e solia vei keda na dodonu meda solia kece na veivakalougatataki sa yalataki oti vei Eparama vei ira kece na turaga kei na marama era maroroya-na veiyalayalati. Na cakacaka ni valetabu e vakatara na veivakalougataki cecere qo vei ira kece na luve ni Kalou, se na vanua cava se gauna cava era bula kina, se bula tiko kina oqo.
Na idola ni matabete e vakalesui mai vua na Parofita o Josefa Simici e vakatara vei ira kece na tagane kei na yalewa era maroroya na veiyalayalati mera marautaka na nodra dui bula yadua vakayalo.
Taciqu kei na ganequ lomani, oqo na noqu iyalayala. Ena sega ni dua na ka ena vukei iko vakalevu cake mo tautauri matua ki na itoko kaukamea mai na sokalou vakawasoma ena valetabu ena gauna kece o rawata kina. Sega ni dua na ka ena taqomaki iko vakalevu nio lako curuma na butobuto. Ena sega ni dua na ka ena vakaukauwataka na nomu ivakadinadina baleta na Turaga o Jisu Karisito kei na Nona Veisorovaki se vukei iko mo kila vakalevu na nona ituvatuva maqosa na Kalou. Ena sega ni dua na ka ena vakamalumutaka na yalomu vakalevu ena gauna ni mosi. Ena sega ni dua na ka ena dolavi lomalagi vakalevu. E sega!
Na valetabu sa i koya na matamata ni veivakalougataki cecere ni Kalou e maroroi tu vei keda vakayadua, na valetabu e vanua duadua ga e vuravura qo eda rawa ni ciqoma kina na veivakalougatataki kece e yalataki vei Eparama.
Meda marautaka na vakalesui mai ni idola ni matabete, ka vakatara vei iko kei au me daru marautaka na veivakalougatataki vakayalo kece eda gadreva ka bula kilikili meda ciqoma.