Soqoni ena Yakavi ni Vakarauwai
“Dou Tiko Lo, Mo Dou Kila Niu Sa Kalou”
Veitikina lavetaki
Ena veigauna kece eda ciqoma, railesuva, nanuma, ka vakavouya kina ena yalodina na veiyalayalati tabu, sa na taqomaki vakaukauwa cake me dei na ikelekele vakayalo ki na “uluvatu” i Jisu Karisito.
Ni sa tarai cake na yavu ni noda bula vua na iVakabula, eda sa vakalougatataki me da “tiko lo”—me yaco mai na veivakadeitaki vakayalo ni Tamada Vakalomalagi na Kalou, o keda na Luvena, ka noda iVakabula ko Jisu Karisito. ….
… Na siga ni Vakacecegu e siga ni Kalou, e dua na gauna tabu vakatikitikitaki me nanumi ka qaravi kina na Tamada ena yaca ni Luvena, meda vakaitavi ena cakacaka vakalotu ni matabete, ka ciqomi ka vakavoui kina na veiyalayalati tabu… .
… Na “vale ni masumasu” eda dau soqoni kina ena Siga ni Vakacecegu sai koya na vale ni soqoni kei na veivale vakadonui tale eso—na veivanua tabu ni vakarokoroko, sokalou, kei na vuli.
Na valetabu e dua tale na vanua savasava sa vakatikori vakatabakidua me baleta na sokalou kei na qarava na Kalou ka vulica na veidina tawamudu. …
… Na noda itikotiko e dodonu me icokoti vata cecere duadua ni gauna tabu kei na vanua savasava na vanua e rawa nira “tiko lo” kina na matavuvale ka kila ni Kalou na Tamada Vakalomalagi, o keda na Luvena, kei Jisu Karisito na noda iVakabula. ….
Au yalataka nida tara na yavu ni noda bula ena “uluvatu” i Jisu Karisito, e rawa ni da vakalougatataki mai na Yalo Tabu meda ciqoma na tiko lo vakatamata yadua ka vakayalo ka na rawa kina meda kila ka nanuma ni Tamada Vakalomalagi na Kalou, o keda na Luvena, o Jisu Karisito na noda iVakabula, ka rawa nida vakalougatataki meda cakava ka uabaleta na veika dredre.