Soqoni ena Mataka ni Vakarauwai
Yalodei ena Veiyalayalati ena Vukui Jisu Karisito
Veitikina lavetaki
Kemuni na taciqu kei na ganequ, o ira era rawata na yalodei dina ena veiyalayalati e caka ena vale ni Turaga ena vukui Jisu Karisito sa tu vei ira e dua na kaukauwa mana duadua eda rawa ni taukena ena bula oqo. …
Eda na rawata vakacava na yalodei vakaoqo ena vukui Jisu Karisito? E yaco mai ena yalomalumalumu, ni yavutaki noda bula vua na iVakabula, bula ena ivakavuvuli ni kosipeli i Jisu Karisito, ciqoma na cakacaka vakalotu ni veivakabulai kei na bula vakacerecerei, ka rokova na veiyalayati eda cakava kei na Kalou ena Nona vale tabu. …
… Au kila ni gauna e raica kina na Turaga e dua mada ga na lidi ni gagadre se caudre ni sasaga dodonu ena noda lomasoli me yavutaki noda bula Vua, kei na cakacaka vakalotu kei na veiyalayalati eda cakava ena Nona vale, ena vakalougatataki keda o Koya, ena Nona ivakarau uasivi sara, ena Nona cakacaka mana kei na loloma cecere eda gadreva.
Na vale ni Turaga na vanua eda rawa ni veisautaki kina ena veisala cecere ka savasava cake. …. Au vakadeitaka vei kemuni ni tiko vei keda na yalo ni vale ni Turaga ena veisautaki keda, vakataucoko. ….
Na tara valetabu sa ia tikoga ka totolo cake ena vakamarautaki, e vakauqeti ka vakalougatataki keda. Ia vakabibi cake, ni veisau na noda vakavakarau meda curu kina valetabu, ena veisau na veika eda sotava ena valetabu, ena veisautaka na noda bula ena taudaku ni valetabu. Me vakasinaiti keda ena yalodei na noda veiyalayalati savasava kei na Kalou ena vukui Jisu Karisito na veisau oqo.