Soqoni ena Yakavi ni Sigatabu
Na iVakadinadina baleti Jisu
Veitikina lavetaki
Na cava na ivakadinadina baleti Jisu?
Sai koya na ivakadinadina ni Yalo Tabu ni o Koya na Luve ni Kalou, na Mesaia ka Dauveivueti. ….
E taudaku ni ivakadinadina oqo e tiko kina na taro: Na cava meda cakava kina?
O ira na taukena na matanitu vakasilesitieli era “ciqoma” na ivakadinadina me baleti Jisu ena kena taucoko ena nodra papitaiso, ciqoma na Yalo Tabu, ka rawata na ka kecega ena vakabauta. …
Na cava na kena ibalebale mo gumatua ena ivakadinadina baleti Jisu?
… Na gumatua ena ivakadinadina baleti Jisu e okati vakaidina kina na susugi kei na vaqaqacotaki ni ivakadinadina oya. O ira na tisaipeli dina era sega ni vakawalena na veika lalai e tokona ka vaqaqacotaka na nodra ivakadinadina me baleti Jisu, me vaka na masu, vulica na ivolanikalou, rokova na Siga ni Vakacecegu ka vakaivotavota ena sakaramede, veivutuni, veiqaravi, kei na sokalou ena vale ni Turaga. …
Na gumatua e vakatututaka talega na noda sega ni maduataka kei na noda tukuna e matanalevu na noda ivakadinadina. ….
Edua na tiki ni gumatua ena ivakadinadina me baleti Jisu Karisito sai koya mo rogoci ira na Nona italai. ….
Na gumatua ena ivakadinadina me baleti Jisu e kena ibalebale na vakayaloqaqataki ira na tani, ena vosa kei na ivakaraitaki, mera gumatua vakakina, vakabibi o ira na lewe sara ga ni noda matavuvale. …
Dua na tiki ni gumatua ena ivakadinadina baleti Jisu Karisito au via tukuna sai koya na noda vakasaqara vakayadudua na bula savasava. ….
Au veisureti mo yavala ena gauna oqo mo taukena na nomu tikina me vaka ni o dua ka gumatua ena ivakadinadina me baleti Jisu.