Soqoni ena Yakavi ni Vakarauwai
Dua na Reki Cecere Cake
Veitikina lavetaki
E ka ni rarawa, ni kena irairai vei ira e lewe vuqa na tamata, e dredre me kunei na marau.
… Na yalorarawa e sega ni ivakatakilakila ni druka. Ena bula oqo, ke lailai sara, na reki kei na rarawa erau itokani sega ni tawasei rawa.
Ia, au sa sotava talega vakai au na mataka caca lagilagi ka dau vakasinaita na yalo ena reki bibi ka sega sara ni tabonaki rawa. Au sa raica vakai au ni yalodei veivakacegui oqo e dau lako mai ni da muria na iVakabula ka lako voli ena Nona sala.
Na vakacegu e solia vei keda o Koya e sega ni vaka na veika e solia o vuravura. E vinaka cake. E cecere ka savasava cake. …
E sega ni vunitaka na Tamada Vakalomalagi na salatu ki na marau. E sega ni dua na ka vuni. Sa vakarautaki tu me noda!
Sa yalataki tu vei ira era lako ena salatu ni bula vakatisaipeli, muria na ivakavuvuli kei na ivakaraitaki ni iVakabula, muria na Nona ivakaro, ka rokova na veiyalayalati era cakava vata kei na Kalou. …
… Sa ikoya na ivakarau ni veika vakavuravura kecega me qase mai, vuca, madra, se yaco me bulagi. Ia na reki vakalou e tawamudu, baleta ni sa tawamudu na Kalou. …
… Yalovinaka meu vakatura mada e vica na ikalawa ni itekitekivu ena ilakolako kilikili oqo me kunei kina na reki savasava. …
Ena veisiga, macawa, kei na vula ka tarava, meu sureti iko mo:
-
Vakayagataka na gauna ena sasaga dina, ka taucoko mo toro voleka yani vua na Kalou.
-
Vakasaqara vagumatua e veisiga na veigauna ni inuinui, vakacegu, kei na reki.
-
Kauta mai na reki vei ira na tani era tu wavoliti iko. …
Meda vakasaqara kece ka kunea na marau cecere e yaco mai ena noda solia na noda bula vua na Tamada Vakalomalagi kei na Luvena lomani.