Soqoni ena Yakavi ni Vakarauwai
Mo Duabau kei Karisito
Veitikina lavetaki
Lako Mai vei Karisito, mai vei Casey Childs
Na duavata kei Karisito kei na Tamada Vakalomalagi e rawa ni rawati mai na Veisorovaki ni iVakabula. …
Na veika e gadrevi ena papitaiso, era bibi, ia era sa rawarawa sara. Era okati taumada kina na yalomalumalumu e mata ni Kalou, na yalo raramusumusu ka bibivoro, veivutunitaki ni ivalavala ca kece, taura vei keda na yaca i Jisu Karisito, vosota ki na ivakataotioti, ka vakaraitaka ena noda cakacaka nida sa ciqoma oti na Yalo i Karisito.
E bibi me kilai ni veika kece e gadrevi ena papitaiso era vakayalo. … Na dravudravua kei na vutuniyau e tautauvata ga na ka vakayalo e gadrevi vei rau.
E sega ni gadrevi se o matatamata cava, yalewa se tagane se o kai vei. …
Nida sa “tautauvata” ga e mata ni Kalou, e sega kina ni yaga meda vakabibitaka na keda duidui. …
… Meda ciqoma na veivakalougatataki ni Veisorovaki ni iVakabula, e dodonu me da vakayagataka donu na noda galala ni digidigi ka digitaki Karisito ka muria na Nona iVakaro. …
Na veidigidigi bibi duadua ena rawa ni cakava e dua ga na tamata se mani vakacava na taledi, rawaka, madigi, se ituvaki vakailavo. …
Nida sotava na veika dredre ni bula, e vuqa na veika vaka oya ena lailai se da sega sara ga ni vakatulewataka rawa. … Ena veidigidigi bibi kece, e rawa ni da lewa. …
Ena veika me baleta na ivakavuvuli, itovo, cakacaka vakalotu, kei na bula dodonu, eda sa vakatulewa kina. Na noda vakabauta ka sokalou vua na Kalou na Tamada kei na Luvena, o Jisu Karisito, e dua na digidigi eda cakava. …
E dodonu meda segata meda okati ira na tani ki na noda ilawalawa ni duavata. …
Eda sa duavata ena noda lomana ka vakabauti Jisu Karisito ka da luvena na Tamada Vakalomalagi dauloloma. Na ka bibi nida sa itaukei vata, sa ikoya meda duabau vata kei Karisito.