Soqoni ena Mataka ni Sigatabu
Veiyalayalati kei na kena iTavi
Veitikina lavetaki
Na veiyalayalati sa i koya na noda solibula ena qaravi ni dua na itavi. Na solibula yadua e bibi ena kena vakacokotaki na noda dui bula kei na kena vakacokotaki na bula vakaveiwekani.
Ni sa yaco mai na gauna me Vakalesui mai kina na taucoko ni kosipeli i Jisu Karisito, a kaciva na Kalou e dua na parofita, ko Josefa Simici. Na iVola i Momani na ivurevure levu ni taucoko ni kosipeli ena Veivakalesui mai, oka kina na ituvatuva ni Kalou baleti ira na Luvena, ka sinai tu na iVola i Momani ena idusidusi ki na veiyalayalati.
Na veiyalayalati e yavu ni kena Vakalevui mai na kosipeli. E vakadinadinataki oqo ena veikalawa taumada e dusia na Turaga vua na parofita me taura ena nona tauyavutaka na Nona Lotu.
Na Lotu i Jisu Karisito ni Yalododonu Edaidai e tara valetabu tiko e vuravura raraba. Na kena inaki mera vakalougatataki na luve ni veiyalayalati ni Kalou ena sokalou ena valetabu kei na nodra itavi tabu kei na kaukauwa kei na veivakalougatataki talei e vauci ira vei Karisito era ciqoma ena veiyalayalati.
Na Lotu i Jisu Karisito e kilai ni lotu e vakabibitaka na caka ni veiyalayalati kei na Kalou. Na veiyalayalati e rawati ena cakacaka vakalotu ni veivakabulai kei na bula vakacerecerei e vakarautaki ena Lotu vakalesui oqo. Na cakacaka vakalotu ni papitaiso kei na veiyalayalati kece e tiki bibi ni veika e gadrevi mo curu kina matanitu vaka silesitieli. Na cakacaka vakalotu kei na veiyalayalati kece ni valetabu e tiki bibi ni bula vakacerecerei ena matanitu vakaselesitieli, na bula tawamudu, e “iloloma levu duadua ni Kalou.” [Vunau kei na Veiyalayalati 14:7] Oya na rai ni Na Lotu i Jisu Karisito ni Yalododonu Edaidai.