Soqoni ena Yakavi ni Sigatabu
Semata na iVakaro Levu e Rua
Veitikina lavetaki
Meda dikeva yadua mada na rua na ivakaro cecere oqori, e vakatakilai ka cavuqaqataki ena isaunitaro i Jisu Karisito. Nio cakava vakakina, vakatara na iyaloyalo ni ikawakawa lili totoka oya, kei na kena tawa vakasakiti ni nawa cake tu ilomalagi, me voqa voli ena mata ni nomu vakasama.
Na imatai, mo lomana na Turaga ena lomamu, yalomu, kei na nomu nanuma taucoko.
… Mo lomana na Turaga e vakanamata taumada ena yalomu—na nomu bula sara ga. E kerea na Turaga mo lomana ena yalomu taucoko—o iko taucoko vakatabui—ka qai tinia, mo lomana ena nomu nanuma taucoko—na nomu vuku kei na lomakasa. …
Au rawa ni lomana na Tamada Vakalomalagi kei Jisu Karisito, ka na qai veimuataki ki na masu, vuli ivolanikalou, kei na sokalou ena valetabu. Eda lomana na Tamada kei na Luvena ena saumi ni ikatini, vakatabui ni Siga ni Vakacecegu, bulataki ni dua na bula dodonu ka savasava, kei na talairawarawa. …
Na lomana na Turaga e veimuataki ki na marau tawamudu!
… E sega ni taucoko na noda lomana na Turaga kevaka eda vakawaleni ira na wekada. Na loloma e taudaku oqo e oka kina na luve ni Kalou kecega ka sega ni baleta na tagane se yalewa, kalasi ni veimaliwai, matatamata, gagano vaka tagane se yalewa, isau vakacakacaka, yabaki, se kawatamata. …
… Me rawa ni cakava e dua ga na ikawakawa lili na ka a tara kina me cakava, sa dodonu mera cakacaka vata na kena duru ena kena duavata taucoko. Sa vakakina, na noda rawa ni muri Jisu Karisito ena vakatau ena noda kaukauwa meda bulataka na imatai kei na ikarua ni ivakaro me veiraurau vinaka ka tautauvata ena noda yalodina ruarua kina. …
… Me laveti cake na yaloda kei na noda vakasama, meda lomana na Turaga, ka vuki yani itaudaku meda lomani ira na wekada.