Soqoni ena Mataka ni Sigatabu
E Bibi Na Vosa
Veitikina lavetaki
E bibi na vosa! …
E ka ni rarawa, ni vosa e rawa ni sabalia, sakasaka, ka mosimosi. …
E yasana kadua, na vosa e rawa ni marautaka na qaqa, solia na inuinui ka veivakayaloqaqataki. Era rawa ni vakauqeti keda meda vakasama tale mada, tekivu vou tale, ka vakadodonutaka na noda ilakolako. Na vosa era rawa ni dolava na noda vakasama kina dina.
Oya na vuna, era bibi taumada kina, na vosa ni Turaga. …
Na vakadinati kei na muri ni vosa ni Kalou ena kauti keda vakavoleka vei Koya. …
iKarua, e bibi na nodra vosa na parofita.
O ira na parofita era vakadinadinataka na ituvaki vakalou i Jisu Karisito. Era vakavulica na Nona kosipeli ka vakaraitaka na Nona loloma vei ira kece na tamata. …
… Na vosa ni parofita e bibi vua na Turaga ka vakakina vei keda.
iKatolu, ka rui bibi sara, sai ira na noda vosa. …
… O koya gona mo qarauna na ka o tukuna kei na ivakarau ni nomu tukuna. Ena noda veimatavuvale, vakabibi vei rau na veiwatini, kei ira na gone, na noda vosa e rawa ni kauti keda vata mai se tawasei keda.
Meu tukuna mada e tolu na malanivosa ka rawa nida vakayagataka me kauta tani na bati gaga ni dredre kei na duidui, meda veilaveti ka veivakadeitaki kina vakai keda:
“Vinaka vakalevu.”
“Vosoti au.”
Kei na “Au lomani iko.” …
Au yalataka ni kevaka eda “kana magiti ena vosa i Karisito” [2 Nifai 32:3] ka veimuataki ki na veivakabulai, na vosa ni noda parofita ka na veidusimaki ka vakayaloqaqataki keda, kei na noda vosa era tukuni keda kei na veika eda vakamareqeta, ena sovaraki mai vei keda na kaukauwa vakalomalagi.