Soqoni ena Bogi ni Vakarauwai
Yalodina ki na iVakataotioti
Veitikina lavetaki
Kemuni noqu itokani lomani, nikua au via vosa saraga vei kemuni—na itabagone ena Lotu. …
E dina ga ni vakayagataka o Tevita e dua ga na vatu me vakamatei Koliaci kina, e vakarautaka tu e lima. …
Vakacava mada, kevaka na vatu yadua nei Tevita e matataka e dua na kaukauwa eda gadreva meda bula qaqa kina? Na cava beka na lima na vatu oqori? Au vakasamataka ni na rawa ni vakaoqo: …
iMatai, na vatu ni noqu lomana na Kalou. …
Na noda loloma vua na Kalou kei na noda veisemati voleka kei Koya e solia vei keda na kaukauwa eda gadreva meda veisautaka na lomada ka vakarawarawataka na noda sotava na veibolebole eso.
iKarua, na vatu ni noqu vakabauta na iVakabula, o Jisu Karisito. … Na vakabauti Jisu Karisito e kena ibalebale me taucoko na noda nuitaka na Nona vuku, Nona gauna, Nona loloma, kei na Nona kaukauwa ni sorovaki ni noda ivalavala ca. …
iKatolu, na vatu ni noqu kila na kequ ivakatakilakila dina. …
E veisau na veika kecega niu kila se o cei o au. …
iKava, na vatu ni noqu veivutuni e veisiga. …
E veivakauqeti nida vakila na veivosoti ni Kalou kei na noda kila nida sa savai ka vakaduavatataki kei Koya. …
Na ikalima ni vatu sai koya na vatu ni noqu rawa ni vakayagataka na kaukauwa ni Kalou. …
Eda na vakayagataka vakacava na kaukauwa oqo i Jisu Karisito? Noda talairawarawa kina noda veiyalayalati kei na vakalevutaki ni noda vakabauti Jisu Karisito e ka bibi.
Au diva dina me dua tale na nona vatu o Tevita; oqori ena vatu ni noqu ivakadinadina. …
Noqu itokani lomani, e nanamaki tu o Karisito me salavata kei keda ena ilakolako ni noda bula. …
… E kunei na reki nida tisaipeli i Jisu Karisito.