Sandei Moning Sesen
Ol Kavenan mo Ol Responsabiliti
Samfala Pat
Wan kavenan i wan komitmen blong mekem samfala responsabiliti. Ol komitmen blong yumiwan oli impoten long ol rul we i stap blong kontrolem laef blong yumi wanwan mo wei we sosaeti i stap wok. …
Taem we hem i taem blong Putumbak blong gospel blong Jisas Kraes we i fulwan long wol, God i bin singaotem wan profet, Josef Smit. … [Buk blong Momon] i stap olsem wan bigfala pat blong Restoresen blong gospel we i fulwan, we i tekem tu plan blong God we Hem i gat blong ol pikinini blong Hem, mo Buk blong Momon i fulap long ol refrens we i tokbaot ol kavenan. …
Ol kavenan oli stamba insaed long Restoresen blong gospel. Hemia yu save luksave long ol fas step we Lod i bin daerektem Profet blong mekem taem hem i stap oganaesem Jos blong Lod. …
Jos Ia blong Jisas Kraes blong Ol Lata-dei Sent i stap bildim ol tempol raon long ful wol. Stamba tingting blong olgeta i blong blesem ol kavenan pikinini blong God wetem tempol wosip, mo wetem ol tabu responsabiliti mo paoa mo ol spesel blesing we i fasem yumi long Kraes we oli kasem tru long kavenan.
Oli save Jos Ia blong Jisas Kraes olsem wan jos we i tokbaot fulap fasin blong stap mekem ol kavenan wetem God. Ol kavenan oli gat wanwan odinens blong fasin blong sevem man mo kam olsem wan god, we Jos ia we i kambak bakegen i stap givim. Odinens blong baptaes mo ol kavenan we i go wetem oli ol samting we i nidim blong kam insaed long selestial kingdom. Ol odinens blong tempol mo ol kavenan we i kam wetem, oli ol samting we i nidim blong kam olsem wan god long selestial kingdom, we i laef we i no save finis, presen we i moa hae long evri presen blong God” [Doktrin mo Ol Kavenan 14:7]. Hemia i stamba lukluk blong Jos Ia blong Jisas Kraes blong Ol Lata-dei Sent.