Sandei Moning Sesen
Ol Toktok Oli Impoten
Samfala Pat
!Ol toktok oli impoten! …
Sore nomo, ol toktok oli save kam samting nating, i kam hariap, mo i mekem wan i harem nogud. …
Long narasaed, ol toktok oli save selebretem, gat hop mo leftemap tingting. Oli save givim tingting long yumi blong tingting bakegen, statem bakegen, mo jenisim bakegen rod blong yumi. Ol toktok i save openem maen blong yumi i go long trutok.
Hemia i from wanem, toktok blong Lod i kam faswan mo i moa impoten. …
Blong stap bilivim mo folem tok blong God bae i mekem yumi kam moa kolosap long Hem. …
Nambatu, ol toktok blong ol profet oli impoten.
Ol profet oli testifae abaot tabu fasin blong Jisas Kraes. Oli tijim gospel blong Hem mo soem lav blong Hem long evriwan. …
… Ol toktok blong profet oli impoten long Lod mo long yumi.
Nambatri, mo hemia we i moa impoten, hem i ol toktok blong yumi. …
… Mekem se yu mas lukaot gud long wanem yu talem mo olsem wanem yu talem. Insaed long ol famli blong yumi, speseli wetem ol hasban, ol waef, mo ol pikinini ol toktok blong yumi oli save tekem yumi kam tugeta o oli seraotem yumi.
Letem mi givim yu tri simpol sentens we yumi save yusum blong tekemaot nogud filing aot long ol hadtaem mo wanem we i mekem yumi defren, leftemap mo mekem tingting i kwaet bakegen wetem wanwan long yufala.
“Tangkyu.”
“Mi mi sore.”
Mo “mi lavem yu.”
Mi promes se taem we yumi “kakae gud long ol toktok blong Kraes” [2 Nifae 32:3] we i lid i go long fasin blong sevem man, ol toktok blong profet blong yumi we i lidim mo leftemap tingting blong yumi, mo ol toktok blong yumiwan we i talem huia yumi mo wanem yumi holemtaet we i gud, ol paoa blong heven bae i kam daon long yumi.